因為今日唔係紅字...所以都要番工...琴日老闆send左email黎話今日3點後就隨時都可以放工...不過我地呢間公司既人話年年平安夜佢地都係收12點....所以12點之後d人都走得8899.....
我有勁多野做...不過兩點既時候都比人趕埋走了...
陳米黎接左我放工之後...我地兩個去左morrisons睇下有咩買...
上年用左5鎊買左2條原條三文魚柳....不過...今年就連三文魚柳既影都唔見....買左一大舊要黎聽晚打邊爐時食就算....
又買左盒金莎..要黎今晚半夜拎去亞鋒度......因為佢上個星期就約定左我地...話要露兩手....整燒羊脾我地食喎....yeah!!!
陳米都買左份亞鋒一定中意既聖誕禮物比佢...
再行多陣買左d屋企野...又係時候番屋企了...
kaka見到我地...開心到不得了....佢一定係好奇怪做咩我地咁早一齊番屋企了...
我o係廚房煮野比kaka食既時候...陳米就o係度教kaka請請...不過唔知係我地用錯方法,...定係kaka實在係一隻麻煩既狗狗....
次次一拎起佢對手佢就好唔中意....
kaka: 好煩呀...唔好阻住我等食啦.....狗地坐得好地地...就咩攪住我呀!!
蒸埋其餘o個兩盒魚魚比kaka....佢食得好開心....梗係啦..魚啵...!!!
kaka: 好似話今晚會去街....有xmas party...唔知有冇我份...不過都係等我訓陣...一陣以最佳狀態見人...唔係亞媽又會話我失禮佢地...下次唔帶我去了...
kaka的宵夜....
沒有留言:
發佈留言