:+:+:麻辣雞煲(附食譜):+:+:+涼粉家晚餐(31.03.2013)

凍冰冰唔願出街...今年天氣癲左....都4月了...仲係朝朝0度...中午得嗰兩度咁上下...

想凍死人咩..~~~

復活節連埋週末.....連住放左4日假~~~我喺屋企補眠....哈哈哈...冇出街行街...冇約朋友打麻雀...呵呵呵~~~~

星期日買想打邊爐..但係訓訓訓訓到好晏冇去到中超買菜菜...

唔知食咩好...其實我想食花雕雞煲....一早拎左啲粟米雞出黎解凍...

不過.....算啦..大少唔鍾意酒味.....我都係搵次佢激嬲我時先整花雕雞~~~哼~~!!

咁唔知點好時...諗起朋友們耐唔耐就會POST一大煲雞煲嘅相上FACEBOOK~!!!

好吧~~就食雞煲啦~~!!!

大少上左麻辣癮~~~包冇投訴~!!

材料及做法:

上次買左包月桂葉番黎..宜家可以開黎用~

麻辣湯底材料:

洋蔥 - 1個
指天椒乾 - 3湯匙 (呢張相之後我又再加多左少少)
8角 - 1粒
花椒 - 2茶匙
薑片
蒜粒
指天椒 - 10隻
辣豆瓣醬 - 2湯匙~

雞洗淨後斬件, 加入鹽+糖+蠔油+花雕酒+麻油+生粉醃最少1小時~

先爆香麻辣料~

加入辣豆瓣醬再炒炒炒~~~

加入雞件, 先煎封一面後再反轉~

加入清水大火煮起5分鐘~~

加上蔥段同西芹幼條就OK了~~

本身係打算配生菜同粉絲...

大少話唔好~~

所以揀左烏冬同埋法國豆~~

吸左D麻辣湯嘅味真係好好好好好好好味呀~~~!!