:+:+:開心星期天之番茄蟹鍋:+:+:(08.09.2013)

星期日朝6點先番到屋企..同卡卡去個晨運..再晾埋之前洗落的衫衫...

訓時都差唔多7點..

早起的人兒我....8點半就醒左~!!! 痴線的~!!

喺床到碌黎碌去訓唔著...

2點時叫醒埋大少...出去中超入貨仔~!

只係入食物....但係係咪啲野貴左好多?又唔係買左好多

但係就買左差唔多160鎊~
真係樣樣都加價...人工加唔多囉~!!!!

不過要食就要買架啦~~

今次最開心係....啦啦啦....比我見到有新鮮藍蟹呢~!!!

我都係第一次見泗和行有得賣咋~~~啦啦啦~~

8鎊8一公斤~呢度3隻, 6鎊幾~~都幾OK~!!

番到屋企即時快快手整番個番茄雜菜湯底~

除左番茄之外, 其他的全部係卡卡的~

再加埋薑片同埋大少喜愛的白蘿蔔, 就係我地個番茄蟹蟹鍋湯底了~!!

JAPAN CENTRE買的芋絲比中超的更好味~

其實.....日本貨同國產.....唔洗講都知差很遠吧~

芋絲麵~

佢叫做魚皮餃, 但係同香港的魚皮餃完全唔似的..個皮一啲都唔魚皮..味道就似香茜豬肉餃~

不過味道唔錯...次次食唒都會再入貨~

牛筋丸+魚蛋~

呢隻魚蛋係急凍的新加坡魚蛋, 包裝一啲都唔吸引, 不過幾彈同埋唔錯的~

辣魚蛋都係家中常備的~!

今次唔知做咩...芥蘭, 芥蘭苗, 菜心, 菜心苗, 蓎蒿, 樣樣都冇~!!!

所以先買左菠菜....我啲菠菜恐懼症似乎好番得7788~!

羅馬菜~

大少手切牛肉~

加到去12鎊85一公斤的豆苗....天呀...好貴..但係豆苗真係好好味~!

我對住蟹蟹又開心又冇從入手...好在大少自動獻身...呵呵呵~

呢隻蟹好好味~!!!!如果下次打邊爐有佢就好了~!!

我有蟹食同埋日本芋絲, 烏冬真係一條都冇掂過~!!

開飯了~!!!!!