:+:+:雙菇蠔油伊麵:+:+:(附食譜)

初一是素食日,其實自己食可以簡簡單單的煮個菜菜就OK..
不過大少話陪我食..好啦好啦..整啲佢都會鍾意的就唔怕太寡口了~

先大火滾水煮軟左伊麵先..
之後過冷河, 隔水~

宜家超市愈黎愈多亞洲食材, 杏鮑菇差不多間間超市都買到..
杏鮑菇 (切條) + 有機白蘑菇 (切片)

加兩片薑片先炒香菇菇~ 加少少水 (大約150ML)煮至滾起~

加入伊麵及(素食)蠔油~
想顏色靚丁丁就再少少老抽~
拌炒至乾身~

加入蔥段, 略炒後熄火, 加少少麻油及鹽調味~

除左呢個伊麵之外, 仲煲左個皮蛋粟米粥同埋仲有個炒菜菜呢~