:+:+:番茄雞柳螺絲粉:+:+:(附食譜)

平時整得忌廉汁意粉多...
今次扮健康...(盡量啦~~~哈哈), 整番轉番茄螺絲粉, 估唔到有人麻麻地番茄都話OK啵~!!

材料及做法: 
洋蔥 - 半個, 切幼條~
白蘑菇 - 8粒, 切厚片

 

雞上肶 - 6小件, 去皮去骨後切條

加少少橄欖油炒香洋蔥及蘑菇~

加入雞肉, 加少少蒜粉及胡椒粉~~

先煎香一面再反轉煎香另一面~

炒至乾身~~

今次用左罐裝番茄粒~ 方便又健康~!

加入番茄粒~煮滾後轉小火煮10分鐘~

呢個時候就係烚意粉的時候了~!!

水要先加鹽及小小橄欖油, 鹹味要似海水咁鹹~~

煮意粉時間按包裝提示減2分鐘

隔水, 但係唔好過冷河呀~!!

意粉加入番茄汁內~

加入混合香草碎~

加少少喼汁及鹽, 黑椒調味~~

食時再加少少巴馬臣芝士片

唔洗20分鐘就準備好了~~~呵呵呵~~