:+:+:粟米淮山杞子瘦肉湯:+:+:涼粉家晚餐(09.10.2013)

去完巴塞之後的第二日..生活又回復正常了..
番工放工之後番屋企...煲湯~!!
唔飲幾日湯真係唔慣丫~~



材料好簡單...(其實煲湯跟本就係唔複雜啦~~)
甘荀+杞子+粟米+汆左水的瘦肉+南杏+淮山~

凍水大火滾起後轉細火煲一個半小時~

我慣左次次買好多瘦肉番黎之後就一次過整好佢地..汆好唒水洗淨唒再一份份咁PACK好放冰格~

要煲湯時就拎一份出黎洗淨就可以煲...

咁樣...慳番好多時間丫~~

有時...冰格有位...我連甘荀都會切粒冰好一份份咁丫~~~呵呵呵~~

我都話過...我係一個懶人黎架嘛~!

冬菜薑蔥無水蒸魚魚~

開飯了~~

仲有蒜蓉粉絲蒸帶子~!!

丫..就係喺巴塞時覺得食唔夠菜...買左幾個大少至愛的黃金奇異果番酒店食..

點知...個肚仔...食唔落...

買左6個...冇理由扔左佢架嘛....(唯有拎埋番英國~) 

好好食又好甜呀~~

英國呢幾個月都唔見有得賣了~>_<