前排唔知做咩好餓海鮮..見有急凍蟹賣都唔放過..
一心諗住就算麻麻地都可以試試...
不過到真係要煮時...就怕佢真係麻麻地...
所以用惹味的咖哩炒~~~~
唔夠鮮味都一定惹味丫嘛~!!
哈哈哈哈哈~!~~~~
就係佢喇...我都係第一次買架咋...
用左半盒~
新鮮蟹都係一樣煮法啦~
蟹印乾水後上生粉~
要拍走多餘的生粉呀~~
中大火炸至金黃~
隔油~
咖哩汁材料
雞蛋 - 1隻 (打勻)
咖哩粉 - 1湯匙
蒜
薑
指天椒 (個人喜好~哈哈哈~)
椰奶 - 大約200ML
洋蔥 - 1小個 (切粗條)
泰式紅咖哩醬 - 1茶匙
先爆香配菜~
轉小火加入咖哩粉炒香~
加入椰奶~
大火煮滾後加入紅咖哩醬~
加入蟹~
快快手炒至平均沾上咖哩汁~
加入雞蛋後熄火拌勻~
加入魚露+砂糖調味~
味道10級正!!!
下次見到有新鮮蟹賣一定要再ENCORE呀~!!!
涼粉家晚餐一定唔少得....湯湯啦~
呢日係蘋果蜜棗魚魚湯~
開飯了~
因為個蟹又炸又炒...其他兩味餸簡簡單單就好了...
飯面蒸焗膶腸同埋蠔油羅馬菜~
我淨係睇到幅相, 都好似已經聞到啲咖喱香味咁, 睇到流晒口水。。。正呀!!!
回覆刪除其實真係好味道...(蟹又真係麻麻地...)...如果係新鮮蟹的話.......我會比自己99分~!! (我平時唔係咁架~!!嘻嘻~)
刪除用咖喱炒應該惹味點
回覆刪除同埋係冰貨...我唔太敢就咁薑蔥炒~~~
刪除又炸?你平時炸完嘢啲油點處理?
回覆刪除油我通常唔會用多過3次...我有個細煲仔專係用黎炸野的...炸完就隔一隔入面啲粒粒之後蓋蓋...下次炸再用.....唔好用多過3次....最後一次通常係要黎炸排骨/雞翼又或者係咖哩角...D油之後會好DIRTY架!!咖哩角炸完有咖哩味......用唔到黎炸其他野~>_<
刪除通常都係一個星期內清左啲油佢...寧願浪費都唔想食千年油呀...(其實唔想炸...但係炸野真係好香口~~~超矛盾~)
大少梗係食到"lam lam"脷啦!
回覆刪除真奇怪,法蘭西咁多海鮮,但倫敦反而無....
就係囉....呢度要搵條游緊水的魚魚黎買都要去中超丫~!! 正如我嗰時話...日本係島國我地又係島國..做咩我地呢邊冇海鮮食架~!!!真係好老土呀~!!
刪除通常蟹我會落多D油煎熟, 唔會炸. 依個餸配法包一流
回覆刪除嘩~!!!!配法包點埋D汁仲有D半溶嘅洋蔥...真係一流呀~!!!
刪除我貪快丫...用個13CM煲仔落少少油就炸...
咖喱蟹好好味!!!
回覆刪除但係我用左急凍蟹丫...所以真係咖哩好好味...(急凍蟹就..冇下次~!)
刪除好掂呀!
回覆刪除你記得唔好買呢隻急凍蟹呀~~~哈哈哈哈哈~~~
刪除游水蟹我喜歡就咁成隻蒸,原汁原味好正。
回覆刪除你碟咖哩蟹好得喎.
諗諗吓我好除左大閘蟹外都好似冇食過原隻蒸架...屋企都係薑蔥炒多~等我番到香港搵搵靚蟹先~!!
刪除涼粉子:
回覆刪除~咖哩蟹好野味!! 好鐘意你嘅性格,想食就即刻整!! 我覺煩, 多程序。 會取消念頭架!! 哈
~我looking for 你依個LC粉紅盤, 我依邊,唔好講粉紅色, 連依隻多款式都唔多覺!!
我性格即興又心急...怪怪地架...哈哈哈~~
刪除我留意吓有冇賣LC的網有做FREE INTERNATIONAL DELIVERY丫...有你就可以去睇睇.....不過你都係PLAN家過黎買吧啦~~~呵呵呵~~~
我唔識去google+到留言.....嚟le到容易d呀
回覆刪除咁樣留好啲~~google+我都好似取消左了~
刪除