琴日佢大少爺訓到成下午5點半....哈哈哈..(不過佢賴我~!)
因為我一早8點起左身....同卡卡豬去左晨運又洗左4機衫...仲洗左碗同埋開左機吸塵...
又扔左好多垃圾..(我好鍾意開一個大大個好厚的黑色的垃圾袋~拎住佢喺屋企度行黎行去...到到裝到一袋滿滿....感覺就會十分良好~!!! 之後就覺得屋企少左好多雜物..之後...閒日放工時行街又買一大堆番屋企~~~).. 其實應該好多人都係咁架係咪~??
之後到到12點幾..我見大少好似好好訓...KAKA又好似好好訓...咁我咪入房訓番個美容覺....一訓就訓到5點半...
大少話...我唔起身..佢就超訓....
起身後...有人話天氣凍凍地..想食越南粉....
一於GO GO GO!!!
我覺得可能係因為要就一就來貨價....食物質數變差了~
之前足料的豬肉粉卷少左好多餡丫~!
我平時都好少叫呢個豬肉春卷...不過呢日真係想食丫~!!
就算明知佢唔係用越南春卷皮都益ORDER~
但係...入面的餡....真係好多粉絲....什至係8成半都係粉絲囉....
(黑人憎在麻煩大少喺旁邊恥笑我>_<...我都知出面一定冇自己整咁足料~~但係都係丫~!!!)
其實..CAFE EAST係有其他野食選擇的...例如越南咖哩, 豬腩腩飯...撈檬粉.....
不過次次引到我同大少番去幫襯的...都係呢個河粉湯底~!!
(丫...今次連河粉都轉左第2個牌子了~)
個湯底...我喺屋企試過用好多牛骨, 牛肉, 雞殼, 白胡椒粒, 茴香, 洋蔥, 甘荀, 西芹..................不過都係差啲...
兩碗粉加兩個頭盤小食再加一杯三色冰...30鎊我覺得英國外饍黎講算價錢唔錯...(特別係....呢個湯底我未整到丫~!!!)
喺倫敦又餓越南粉的朋友仔可以諗諗佢~
又或者邊度有好味的越南餐廳記得話我知丫~~!!
我地十分愛越南粉...連去到巴黎都要去13區食番碗的~~哈哈哈~~~!!
有機會去羅省一定要試下當地嘅pho, 十分正宗+好味!
回覆刪除真係嘅~???我其實想去美加行轉丫~!!
刪除去啦, 去啦! 感受下加州陽光呀!
刪除年底我都會回鄉(LA & Vegas) 一轉!
我諗而家週圍d嘢都好貴......一餐咁的越南餐連埋VAT要幾多鎊呀?香港連檸檬都賣到4.5啦!
回覆刪除呢餐30鎊啦...都算係OK的了...麥當當餐都成5鎊了
刪除百物騰貴,將貸就價唔奇.
回覆刪除為環保都要唔好製造咁多垃圾,...
唔係我整出黎架...係啲傳單呀..膠袋呀...包裝紙呀...洗頭水沐浴露樽樽..真係唔明點解可以咁多垃圾~可回收的都拎去回收..舊衫新淨的又可以執去比CHARITY..但係都會有好多垃圾~!
刪除我有時連菜頭菜尾都比埋KAKA食架喇~XDDDDD
我屋企砲視剛好播緊越南旅遊節目, 再望住你呢個越南餐, 好應景丫!!
回覆刪除**香港依家好似搵d好味又抵食o既越南餐廳都買少見少啦!
香港租金貴呀...好多餐廳都將價就價....好味又抵食的真係愈黎愈難搵了~!!!
刪除我次次都係揀食pho, 最近先比MAG教我食檬。
回覆刪除但係檬自己整到...PHO個湯...我落左好多牛骨都唔夠濃丫~!!!講講吓又想去食~!!
刪除上次去巴黎試左Le Kok, pho唔錯, 但春卷仲正
回覆刪除我真係好耐冇喺PARIS食PHO了~~~~~講起都想食呀~!!!
刪除我地最近自己整左
刪除