:+:+:柚子蜜雞翼(附食譜):+:+涼粉家晚餐(25.11.2013)

就係喺香港飲茶時..見到好多檯都有點柚子蜜雞翼..

剛好屋企有雞翼....就一於整吓啦~!!

 雞中翼 - 5隻

洗淨後加鹽+胡椒粉拌勻醃15分鐘

大火燒熱油後轉加入雞翼

中大火炸至全熟~

用廚紙印油~

 1湯匙柚子蜜+幾滴魚露+幾滴辣椒汁+丁丁鹽+1湯匙水煮熱後加入雞翼

煮滾後就OK了~!!

 (個汁唔好煮太耐..因為柚子皮過熱就會苦架喇~!!)

真係簡單到不得了~! 好明顯都係小朋友餸黎架..酸酸甜甜好開胃~

同之前整的香橙骨有啲似呢~!!!

涼粉家晚餐通常都會有湯的..

呢晚係蕃茄雜菜煲魚魚湯~

 今次材料有番茄+三色椒+薯仔+甘荀+椰菜+西芹+薑片+蒜頭+煎好的魚魚~

 

開飯了~

是日晚餐:  蕃茄雜菜煲魚魚湯 + 蝦米粉椰菜 + 自家制叉燒 + 柚子蜜雞翼~!!