:+:+:鮮奶燉花膠:+:+:(附食譜)

又到左對自己好啲的時候了~

屋企有包花膠係上次番HK時拎過黎的...

一直懶得浸發....(雖然一次過整多啲唔係好多功夫)

但係屋企兩個雪櫃都係長滿的...

今次都係浸左少少咋~

材料及做法: 

先用清水浸大約20小時~

熱水加入薑蔥大火煲滾後熄火

加入花膠待至水凍~

清水沖乾淨花膠~

(如果一次過浸發多些, 分好份量入保鮮袋...下次要用時就更快捷方便了~)

可以預備燉了~!

花膠 - 兩隻 (剪成塊)

薑 - 數片 (我落多啲因為我呢排又手凍腳凍~)

紅棗 - 5粒 (記得去核呀, 唔係就會太燥架喇~!)

鮮奶 - 400ML

清水- 100ML

燉補品唔同煲湯, 都係用番砂燉盅比較好

(所以....媽媽買左個燉盅比我...陳大少拎左番黎英國了~)

蓋上蓋就可以入蒸爐了~~

(空位多..我有放埋卡卡的菜菜肉肉魚魚雞蛋入去蒸啦...)

攝氏100度~

燉3個小時~~

(另一個好愛呢個蒸爐的原因..就係燉3小時都唔洗加水呀~!!!)

悠悠閒閒的就有個補身美顏的燉品食了~