:+:先蒸後焗混醬排骨(附食譜):+涼粉家晚餐(05.05.2014)

有冇人同我一樣好鍾意食燒豬小排????

我係超鍾意, 之前整過, 味道好味..... 不過呢....

冇出面餐廳咁腍, 今次多得朋友仔教路, 反正涼粉家有架撐!!

一於黎一轉先蒸後焗啦~~!!! 

效果9級半滿意呀~!! (當然啦.....係一定會有進步空間的~!)

之前唔覺有馬莎有豬小排賣架, 10鎊 (大約130蚊) 有3排..

不過小試牛刀....我買左一排咋....另外兩樣...買左雞同埋安格斯免治牛~

講明係混醬嘛...就揀左涼粉家幾個適合整BBQ燒肉的醬料, 

主打係JD燒汁~

仲有韓式醃肉醬 (香港759買入, 不過英國TESCO同中日韓超市都有賣~)

同埋馬莎的煙燻辣醃醬~

豬小排洗淨後印乾水~

加入醃料: (份量由多至少排列)

 JD燒汁 (因為味道帶甜丫~)

韓式醃肉醬 (都係味道帶甜的)

 煙燻辣醃醬 (偏辣)

茄汁 (酸酸地中和番)

鹽~  

醬料拌勻, 底面都要呀~!! 醃最少3小時~ 醃過夜更好, 不過就要減少鹽份量了~!

用錫紙封好, 放入攝氏65度蒸1小時~

轉焗盤, 舖好錫紙後放入豬小排再加入燒汁~ (就係蒸完的汁啦~~~)

230度火焗20-30分鐘至微焦~ (咁先夠香口呀~!!!)

我笨豬了, 唔記得掃少少蜜糖焗多一陣....

上左碟之後先記得....所以就加左少少黃金糖漿就算~

一切開就骨同肉分開.....又夠入味~!!! 

(不過 ...... 掛住食食食唔記得影相啦~!!!)

平時大少麻麻地燒排骨, 怕左佢...所以見開開焗爐就整左隻香草牛油檸檬燒雞

一個檸檬輕輕榨汁, 之後成個塞入雞腔入面~~雞皮脆卜卜~ 雞肉唔怕乾得黎又有啖啖檸檬香

焗完一面....更係要反轉焗埋另一面啦~!!!

出爐了~!!皮好脆, 同埋....雞皮底下的肥肥都溶唒了~!!! 

感覺十分好~

加埋個牛油果番茄沙律 + 蜜糖芥末子PARSNIP + 陳大少指定甘荀片~~~

開飯了~!!!!