:+:+:星期日拍拖日:+:+: (11.05.2014)

之前一日先同女朋友們出去食食食傾傾傾食到肚滿腸肥...

不過大少話有朋友想約食飯... 問我O唔OK...

梗係OK啦... 唔通自己朋友就見..大少朋友就NO NO咩~!! 

朋友仔話想食韓菜~~~ 

我地又去番ARANG~!!

約左朋友5點幾...

我同大少本身話早少少出去飲茶....

不過晏左起身..關落機洗衫... 同完KAKA去街再出到去都成2點了~~

費事食得太飽同朋友食飯時食唔落..

所以行過JAPAN CENTRE買左少少野食頂頂肚就算~!!

三文魚壽司~

帶子刺身~

蟹柳卷~

炸魚柳~

天婦羅南瓜~

呢餐埋單12鎊唔洗..真係好慳皮~!!

第一站係先去買大少的豆沙餅....

今次貪得意買埋呢個古古味的...

 個餅皮係古古架...入面個餡都係古古力的...

成件事加埋一齊就好似食緊日式古古力蛋糕咁丫~~~

賣叮噹餅的日式和果子店之前都有出過BLOG了... 不過都順手整左個連結~

當我地買完叮噹餅之後...陳大少又講故事我聽~~

大少: 我細個時呢...睇左叮噹就好想知豆沙餅到底係咪咁好味~~~ 喺吉豬島買左個黎食...

食左之後覺得一啲都唔好味.... 

 同埋覺得比叮噹呃左~~~ 點知呢...

原來唔係丫... 原來好味的叮噹餅真係好好味架~~~

我聽完之後...覺得好頂佢唔順~~ 哈哈哈~~~~

之後就一枝箭去左SELFRIDGES.... 原因係因為之前同朋友仔行街時...

見到樓上開左BAPE,,,, (係日版丫~!!! 歐洲版好唔靚~!!)同埋樓下開左IT...有AAPE賣....梗係要話過大少知啦~~~

80後陳大少由細到大受東洋文化影響, 愛日菜, 玩高達, 睇動漫...呢7-8年...好愛猿人~~

物而類聚...佢真係愈黎愈貪靚~~~涼粉弟都係好貪靚...所以佢地好啱KEY~

(不過其實...我10幾年前的聖誕節第一次見佢的時候...佢都係一身牌子... 不過宜家升級左少少)

有時見到靚野又襯我家大少的..都會幫佢入...

佢一身由頭到腳...都係我揀的... 佢鍾意時我又睇得佢順眼...

之前有一次...同一個已婚的女朋友行街時....見到男裝...諗起大家都啱睇...

就哄左入去... (唔同型的我都啱睇...大少唔啱可能涼粉弟會啱丫嘛~~~)

點知...朋友提不起興趣~~

我忍唔住問: 你唔幫老公買衫架咩~?

朋友仔: 幫~~ 不過淨係比佢著U2 助單奴就算~

我10級驚訝... 朋友仔自己身光頸靚... 次次出街都一隻靚雀咁~~

朋友話: 又係時候教精你... 打扮著靚靚梗係花時間喺自己身上啦...老公咁型咁靚黎做咩呀~? 我自己靚就夠啦~~~~ 

我明佢意思... 不過.... 我做唔出~~~

可能我會有一日後悔唔聽朋友仔講的...

好..講唒行街~~~~ 有人見到猿人就好開心....

係囉..我都唔預連板都有塊~~~~

行完一轉.. 時間就差唔多了~~~~

飲杯香芋珍珠就去同朋友會合~~~

呢間韓菜食過好多次..次次都唔錯~~~~

朋友第一次在倫敦食韓菜... 上前菜時...嘩左一聲... 

佢話: 呢堆已經好好餸飯~!!

炒粉絲~~~

煎煎拼~~

主角~~

飯後果~~

陳大少同朋友傾傾傾傾到眉飛色舞...我在密密食~~呵呵~~