:+:+:香滑綠茶奶凍:+:+: (附食譜)

就係星期日時同陳大少行街....

我講開佢呢排好似有甜品癮..

隔幾日就想食吓甜品...

 佢竟然話:

其實我晚晚都想食甜品架~!!

咁我話.... 咁如果我淨係有力煮飯... 又或者係有力整甜品..

佢揀飯定係甜品...

哈哈哈...佢話揀食飯~~~

不過見有時間... 整個超超超超超簡易甜品比佢啦~~ 

今次係唔洗焗又唔洗開火整的

 香滑綠茶奶凍

複雜啲就未有住啦... 

哈哈哈~~

 
材料及做法: 

鮮奶油DOUBLE CREAM - 300ML

牛奶 - 150ML

砂糖 - 70克

牛奶加入砂糖倒入耐熱器皿, 微波爐保鮮紙包好後放入微波爐加熱2分鐘

攪拌至牛奶溶化~

加入綠茶粉 - 15克

拌勻~

魚膠片 - 9克

先用凍水浸軟, 揸乾水後加入暖牛奶中..攪拌至完全溶化~

隔一隔~

先打起忌廉~ (打得太起就唔夠滑的了~)

再加入綠茶牛奶中~

拌勻之後就可以倒入甜品杯仔中..

放入雪櫃雪至凝固即可~~

簡簡單單都算係一個甜品丫~~

陳大少就好滿意地收貨了~~