好耐以前喺尖沙咀韓國街食過一次呢個魷魚拌泡菜..
呢晚要諗多個加餸嘅菜就醒起佢了~~
簡單易做又開胃~
自家制泡菜又可以控制鹹酸辣度~
非常好呢~!!
材料及做法:
青瓜 - 1/4條
白蘿蔔 - 大約150克
青瓜去籽切幼條~
白蘿蔔去皮切幼條~
韓式紅辣椒粉 - 大約半湯匙
青瓜條+白蘿蔔條加入紅辣椒粉+ 1湯匙魚露, 2茶匙砂糖+1湯匙現成韓泡菜(冇就唔落都OK啦)拌勻~
可以試試味...
唔夠鹹加魚露~
唔夠辣加辣椒粉~
唔夠甜加糖~
急凍魷魚 - 2隻~
切好花之後切粗條~
大火滾水加入薑片, 煮滾後加入魷魚條~~
煮至全熟後取走薑片, 過冷河至全涼後隔水~
加入已開始軟身嘅泡菜內~~ 拌勻即可~~
呢個餸又或者係前菜簡單方便又好味, 仲可以早一晚準備好放入雪櫃~~
又到左開飯嘅時候了~~
是日涼粉家晚餐:
:+:豉油雞:+: (用左黃油雞, 不過英國雞硬係就係上色唔平均... 唔... )
:+:椒絲腐乳炒通菜:+:
:+:魷魚拌泡菜:+:
:+:南瓜蜜棗豬骨湯:+:
見到都流口水,我唔客氣啦! Y(^_^)Y
回覆刪除呢個真係好開胃架~ ^_^
刪除