:+:+:椰汁荔芋肉片煲(附食譜):+:+:涼粉家晚餐(27.07.2013)

因為忙轉BLOG....所以呢......

要清清之前喺Y!BLOG的草稿唷~~~總共有六十幾個.....(我暈了~!)

呢個就係其中一個之前整的椰汁荔芋肉片煲

一向都好鍾意食粉糯糯的芋頭..(其實...應該冇人會鍾意食生水芋頭吧~!!)

之前整糖水同埋芋頭糕都係用佢~!!

又方便又唔洗自己刨皮...(刨芋頭皮要記得記得帶手套唷~!!) 
之前整芋頭糕同埋芋頭煲都係用佢..真係夠唒方便~!

芋頭解凍後切大粒~

中火炸至金黃~

隔油後備用~

豬上肩 - 大約200克 (經過一大輪浸水再換水再浸水再倒水後)

用生抽+胡椒粉+鹽+糖拌勻醃10分鐘, 煮前再拌入少少生粉+麻油~

煎香薑蒜~

加入肉片半煎炒~表面轉色後盛起備用~

加入少少水後加入炸好的芋頭~

加入肉片, 再加入大約150ml椰汁中煮滾後細火炆15分鐘即可, 熄火調味~

開飯了~

湯湯係蓮藕乾紅棗煲魚魚~

煲一個半小時就有湯飲~!

LC冇水蒸焗魚魚~

再加多個菜菜就READY~~