:+:+:白蘿蔔浸鯛魚:+:+:(附食譜)

又細到大都喜愛食白蘿蔔, 大少同我一樣..但係平時都係要黎整柱侯牛腩, 清湯腩, 或者係炒多..

朋友話整魚湯浸蘿蔔都好好味..

我未食過...所以打了一次天才波~

不過真係唔錯~!嘻嘻~

材料及做法: 

白蘿蔔 - 大約800克, 切幼條~

燒熱平底鍋後加油及薑片~

魚洗淨修剪好魚鰭及魚肚, 用廚紙印乾水~

加入鍋內煎至金黃~

反轉另一面再煎至金黃~

盛起備用~

原鍋加入薑片及蒜~

加入白蘿蔔條炒至微黃~

邊炒邊加入少少清水~

炒至開始軟身~

呢個時候我轉左用LC BUFFET 26, 不過當然唔轉都OK啦~

加入大約大半飯碗清水, 加入少少雞粉, 白胡椒粉, 少少砂糖, 中小火炆煮10分鐘~

加入之前煎好的魚魚~

因為白蘿蔔會出水, 所以我冇再加水份了~

大火煮滾後轉小火炆煮10分鐘, 熄火焗10分鐘即成~!!

我們愛辣, 轉小火炆前加左兩隻指天椒~

加少少鹽調味, 灑上蔥花就食得了~!!

呢一晚仲有柱侯牛筋腩煲同埋烚羅馬生菜~

特別鳴謝朋友仔的好提議~~~
因為係魚湯浸, 白蘿蔔真係特別鮮甜...而魚魚又吸左蘿蔔味, 又都好好味...一啲都唔會淡~!!

好味道~!!