:+:+:五香牛腸肚麵:+:+:(附食譜)

一直都好恨食牛雜麵..好耐之前 (真係好耐好耐次前) 喺唐人街食過一次...

被搵笨了...淨係得牛肚...

好鍾意食的牛蒡冇...粉粉地的腸....又冇...

勁搵笨~!!

之前一次用淨番的牛腩汁炆金錢肚覺得好好味...又再試試..希望整得更加似啦~!!

之前買落的急凍金錢肚同埋豬大腸... (冇計啦...冇牛腸又冇粉腸賣~!!)

牛肚同豬腸分別用薑+米酒+鹽+水汆水數次.. (終於都係內臟呀..汆多幾次比較乾淨~!)

洗淨後隔水, 加入牛腩汁 (我再加左薑, 蒜, 比較重手的五香粉, 少少老抽)

大火滾起後, 小火炆30分鐘焗30分鐘, 重複一次~ (我再浸左佢地一晚..第二晚先食~!)

煮左個粗麵, 加左牛雜汁, 再烚左菜心...

有人話: 似就似喇...不過下次最好有埋冬菜碎...

再整埋牛蒡更好....腸用豬大腸代替都OK...咁梗係粉粉地嗰啲好味啲啦~~

都幾夠入味喎~~!!!!

佢根本就係扮我~!!!佢以前唔食牛蒡架~!!又唔食蔥...宜家落左多蔥比佢又嫌冇冬菜...

屋企有炸魚皮佢話唔要加~

哼哼哼~!!!!