:+:+:JD汁燒排骨:+:+:涼粉家午餐(01.09.2013)

成日都想買一排過的小排骨黎整原條燒排骨..

不過醃好唒味現成的就見得好多..反而新鮮又未醃的就真係好少見~!

之前比我見到佢...雖然雪櫃同埋冰格都滿到就黎爆炸..不過位置同時間一樣...要咇少少出黎總是可以的...!!

材料及做法: 

豬排骨- 大約800克

因為係英國豬肉臊味比較重,所以我先用清水浸半小時再換水再浸再換再浸之後就隔水印乾~!

要入味就唔好懶..見到用廚紙印乾丫~!!

 貪得意買回來的JACK DANIEL'S汁, 煙薰味幾夠濃..又甜甜地的..

 排骨加入2湯匙JD汁, 1湯匙茄汁, 少少鹽, 胡椒粉

用掃平均地掃上~(照道理...用手將啲醃料搽+捽+按摩入排骨內一定會更加好味~!!)  
我總共醃左佢20小時丫~~~

排骨放上焗盤~

焗爐預熱220度

夠熱後加入排骨, 先焗15分鐘後轉200度焗大約30分鐘至全熟~

期間要掃上醃汁唷~~

出爐了~!!

表面夠香口..入面都仲係好多肉汁架~!!


因為開開焗爐丫嘛...所以醃排骨時醃埋NANDO'S雞翼..不過今次就淨係焗..冇用GRILL PAN

 加埋個巴馬火腿焗薯皮同埋近排食緊都唔厭的凱撒沙律就開飯了~!

落左少少巴馬火腿鹹香啲..又冇落煙肉咁肥...(最緊要係唔洗再炒炒煙肉丫嘛~!)

今次凱撒沙律落左牛油果...味道又夾又好味~!