:+:+:腰果雞丁炒粒粒(附食譜):+:+:涼粉家晚餐(26.09.2013)

就係9月尾呢個星期......

公司忙到飛起...日日都OT.....O..呢啲係自律的OT...

冇人逼..不過要趕的東東做唔唒...我會心掛掛...

所以飯..都少煮了...

但係見到有人放左工番屋企仲要自己煮...就好似好慘咁..(其實我平時咪又係咁~!)

佢又煮得慢...怕左佢~~

有力我就會煮..

新餸就諗唔出架喇~~哈哈哈...
淨係想快靚正..又要好餸飯同埋要夠菜菜~~

炒粒粒就FIT唒~!!呵~

雞上肶肉 - 去皮去肥切粒粒
加入鹽, 生抽, 砂糖胡椒粉拌勻~
炒前加少少麻油+生粉拌勻啦~

燒熱平底鍋後加入切好的法國豆及甘荀粒~

加少少鹽炒至開始軟身~

加入雞粒~先煎香再反轉...再炒....(通常佢煎緊的時候...我都係洗緊之前醃雞用的小碗~!!)

腰果...唔係自己炸的~~而係超市買的鹽焗腰果...

雖然一定冇自己炸的咁好味....不過都唔錯的~!!

炒至雞粒全熟後...加入腰果...

加少少魚露..炒至乾身後熄火調味~~!!

今次去左雞皮...冇咁油又真係好味啲啵~~

連平時喜愛雞皮的大少都冇投訴

不過佢話佢都唔知點解自己咁鍾意食紅蘿蔔...話如果我再落少D就好~~!!

傻架..同KAKA一樣咁鍾意食紅蘿蔔!!!!

!!

另一味餸係我的最愛之一~~

苦瓜炒牛肉~~~

超鍾意~!!!

開飯了~!!

湯係簡簡單單的粟米紅蘿蔔杞子淮山煲雞~..又香又好味~!!

呢排大少話要買跑步機囉...佢都開始怕肥..話自己就黎30歲....
唔要大肚DUM喎....

咁....我盡量煮多菜啦~~去皮去肥啦..盡量少油炸啦....
減肥減肥丫~!!!