:+:+:蒜蓉腐乳蒸排骨(附食譜):+:+:涼粉家晚餐(18.09.2013)

好似好耐冇蒸排骨...因為要除去陣豬臊味要浸..又要過水..比較花時間...
除非我之前一晚準備定...將佢地浸好唒又醃好啦...

所以比較少整..

之前一晚將排骨都好左一粒粒....再浸清水, 半個鐘頭又換水.....重覆3次...

浸完出黎排骨蒸起時會白淨啲又靚仔啲..又唔會有大大陣豬味~!!

今次試新野...腐乳醃排骨~!!

材料及做法: 

排骨 -  大約500克 (洗淨啤水/浸水...醃前要印乾水啦~!!)

腐乳- 2小磚

蒜蓉 - 2茶匙

生抽

砂糖

拌勻, 我醃左一晚啦~~~ (如果醃肉時間短...就落多少少生抽/鹽啦~)

蒸前加入麻油+生粉拌勻~

放入電蒸籠蒸12-15分鐘..(我啲排骨真係粒粒有骨...蒸耐啲要一定一定全熟呀~!!!

有人愛辣....食前加左隻指天椒!!

開飯了~!!

是日晚餐: 補身烏雞湯 + 淥菜心 + 炸蟹鉗 + 蒜蓉腐乳蒸排骨~

菜心真係好好味...我估我可以餐餐食菜心飽...(雖然我更愛芥蘭啦...不過比較寒, 唔敢食多~!!)
但係.....好貴丫~!!