哈哈哈...番完香港番黎...又係時候出番之前影好唒相仔打係未打字的POST~!!!
*********************************************
營養師話紅椒係每日必食的..(抗氧化, 抗癌, 增加好膽固醇.........超好啦總知.. )..
最好煮飯煮麵都加少少落去~~~
今次就黎一個蝦膠釀紅椒..除左彈牙蝦膠外...仲加左爽口的馬蹄粒粒~~
健康又好味~!!
材料好簡單:
急凍蝦仁 - 12隻
有機以色列長甜椒 - 2隻 (我都係貪佢個形好釀同埋有機而揀佢...當然其他甜椒都可以啦~)
馬蹄 - 10粒 (有刨皮恐懼症的我揀左用方便的罐頭水浸馬蹄粒~, 新鮮的一定更爽甜好味~)
馬蹄刴至幼粒~之後要印印水呀
蝦仁洗淨後印乾水~
先拍扁後刴至蝦膠後撻至起膠~
馬蹄粒, 蝦膠加入大碗中,
加入1湯匙生粉, 少少蒜粉,胡椒粉, 鹽~
單方向拌勻~
保鮮紙包好後放雪櫃雪最少半小時~
甜椒洗淨後切成粗圈~ (好似花花形咁呀~!!)
釀入馬蹄蝦膠~
之後底同面都要撲上生粉~
先大火後中細火煎至金黃及全熟~
今次冇整個汁...
但係如果想有汁的話...可以參考上次的鯪魚肉煎釀茄子醬汁做法~
呢一晚仲有....大少好恨食..又食極都唔厭的生炒臘味糯米飯~!!
做法同之前差唔多~~
不過今次用LC黑裡鑄鐵鍋黎炒...更快炒好~~又更好味~!!呵呵~~
大少話大有進步丫~!!
當然...有煲湯湯啦~~
呢晚食眉豆杞子粟米雞湯~~
煲一個半小時就有得飲了~!!
開飯了~!!
天氣涼涼地食臘味飯真係一流呀~!!!
今次係第一次用LC黑裡鑄鐵鍋黎炒...
完全冇痴底~!!..呵呵呵~~~好開心~!
我只係知道彩椒對血管好有益咋!
回覆刪除我都係知道食多啲3色椒好....不過估唔到當中以紅椒最好丫~!!!
刪除Yeah! 涼份子嘅招牌好煮意又番嚟啦!
回覆刪除我都記得醫生都話過紅椒好,尤其對女性 ^^
所以我都要KEEP住提提自己....食多D紅椒了~!!
刪除你終於甫頭喇
回覆刪除哈哈哈....我番左黎了~!!!
刪除原來紅椒咁有益, 我真係唔知, 謝謝涼份子嘅分享, 我都要食多d先得, 但係唔係隻隻紅椒都得? 紅色燈籠椒得唔得?
回覆刪除我估係紅色燈籠椒最好呢~!!!!
刪除涼粉子:
回覆刪除~你一年返幾多次香港!! 好羨慕你返香港....行到夜一夜...都去食甜品and 宵夜!!
~原來紅辣椒營養好咁多!!! 平時都食多啲!!
~你打啲蝦膠好靚!!
嘻嘻...我仲打算番香港過CNY呀~!!! 我屋企人都喺香港丫嘛~!!就到我都想多啲時間番去湊熱鬧~!!
刪除樓上有BLOGGER話紅椒對女仔特別好丫...記得食多啲~!!!!
蝦膠其實好易整的....^_^
涼粉子,你煎得好靚呀!
回覆刪除芙芙成日都以為打蝦膠要用好多蝦至得,但睇張相都唔駛好多就可以釀到咁多件,
下次芙芙又整下先!好味呢!
謝謝芙芙....其實係因為....我落左馬蹄粒丫嘛...如果唔係少少蝦真係釀唔到咁多粒呀~!!!
刪除Hi sweetie, 個彩椒形狀好似心形呀, 仲要煎得咁靚. 我都唔知紅椒原來咁營養豐富, 又識多樣嘢啦~~~~
回覆刪除HI DEAR!!!! 個椒咁嘅形...釀起上黎快手好多丫嘛...女仔記得食多啲紅椒呀~!!
刪除貓貓仲有冇嚇你~??@@
涼粉子,我都想講彩椒好似心型,好特別也煎得好靚!^^
回覆刪除另外,我又想講我honey又係好鐘意吃糯米飯,細細個媽媽也會生炒臘味糯米飯給我們吃,媽煮得好好味,但我從未在家試煮...怕唔好味...失落!hee...但honey鐘意,我都想動手整!