:+:+:三色椒沙嗲牛肉燴粉絲:+:+:涼粉家晚餐 (11.02.2014)

沙嗲牛肉粉絲煲就整得多...

炒都係第一次...其實係因為買左有益健康的三色椒...

平身打算要黎就咁炒牛柳邊...

不過又怕陳大少淨係食唒啲牛牛唔食三色椒....一於整到佢有咁惹味得咁惹味啦啦啦~!!

材料及做法:

清水浸軟粉絲~ (呢度粉絲係散裝的...特別爽口又唔會吸唒湯汁後變得易爛...所以專登喺香港帶番黎...)

三色椒每樣1/3隻~(切幼條)

紫洋蔥 - 1小個 (切幼條)

牛柳邊 (BEEF SKIRT) - 大約400克

加入水, 生抽, 糖, 胡椒粉拌勻~

醃最少15分鐘

炒牛肉前加入生粉及麻油拌勻~

鑄鐵鍋掃油後加熱~

先炒香三色椒炒洋蔥~

加入牛肉

加入後不要馬上兜炒, 等牛肉先煎烘一下更香口~

(太好鑊氣...咩都影唔到~哈哈)

呢張好少少~

反轉牛肉後亦一樣烘一陣再兜炒~

加入半湯匙沙嗲醬及粉絲~

粉絲浸後隔水都有丁丁水份 (所以我冇加水呀~)...略炒後加少少生抽調味~

食得了~!!! (我表面灑左少少乾辣椒粉...)

因為呢個三色椒沙嗲牛肉燴粉絲比較辣, 所以呢度仲有可解辣的拍青瓜

仲有香甜的蝦米炒旺菜~

涼粉家當然唔少得嘅湯水~

呢晚有猴頭菇粟米煲豬骨, 好好味~!!!

開飯了~!!!!