:+:+:芝士白汁焗豬扒飯:+:+:(附食譜)

每一次整焗飯...好自自然然就會第一樣就係諗起焗豬扒飯...

呢排有番多少少煮意....貪新鮮整左個芝士白汁焗豬扒飯

出黎效果都唔錯啵~!!!

材料及做法: 

甘荀 - 1條 (切大粒)
西芹- 1條 (切大粒)
啡蘑菇 - 3粒 (切大粒)

燒熱平底鍋加少少油,  先乾香甘荀西芹蘑菇粒粒~ 

加入牛奶大約300ML大火煮至滾起~

加入少許雞粉+胡椒粉+鹽+糖調味 (要偏淡少少唷~!)


用少許牛奶開生粉拌勻, 加入汁料中煮至濃稠~

快快手炒個蛋炒飯~~

炒至乾身時加少許鹽+糖+生抽再炒一炒..

呢度係大約4飯碗飯~ (我比較鍾意加少啲水煮新鮮飯即炒...)

用鑄鐵鍋炒飯好快手...大約5分鐘就OK~

舖在焗爐上~


豬扒- 3件 (加入少許鹽+胡椒粉+生粉拌勻)

滾油大火炸至金黃~

炸好了~

切件~

放上飯面~

再淋上汁料~


隨喜好加上少少芝士碎~

放入已預熱250度的焗爐

焗大約10分鐘到芝士金黃就可以了~!!

個料夠杰身..個炒飯底就會保持住一粒粒靚靚仔仔架喇~!!!

 
呢餐唔夠菜菜.,..食多啲橙橙報番數啦~~