:+:+:魚香茄子煲(附食譜):+:+涼粉家晚餐(26.02.2014)

嘩...呢排忙到任由個BLOG仔生唒菇菇...

又係時候勤力啲出BLOG喇~!!

呢個星期我地個英國歡樂谷每週好煮意的主題係茄子...

由一於打左呢篇BLOG先啦啦啦~~~

煮左N次的魚香茄子...我都估唔到....原來我冇出過食譜仔呢~!!

香噴噴又開胃的魚香茄子煲.

材料及做法: 

茄子- 兩條 (今次買左中式茄子呢...)  - 切條~

魚香茄子我真係落鹹魚的... (我本身就係鍾意食梅香架啦~~哈哈)

梅香鹹魚 -2小塊 (加片薑中火煎香~)

待涼~

原鑊加少少油燒熱後加入茄子條...

(唔想走油我通常都會咁做...雖然顏色係會冇咁靚..不過健康同色香味之間攞個平衡啦~!)

略煎炒至少少金黃後盛起備用~

冬菇 - 4隻 (清水浸軟後洗淨切幼粒~)

薑蒜粒 - 大約1個半湯匙

鹹魚去骨拆肉~

免治豬肉大約200克

加水, 生抽, 少少鹽, 糖, 胡椒粉, 生粉拌勻

燒熱鍋後加入薑蒜粒, 鹹魚肉, 冬菇粒炒至乾身~

加入免治豬肉~邊炒邊鬆開至轉色~

加入茄子條炒至乾身~

加入1湯匙蠔油炒勻~

加入大約100ML水(視乎煲仔大小啦~)

大火煮煲後轉中小火煮5-10分鐘, 大火再煮至收汁即可...

熄火調味..

加埋蔥花就夠唒香噴噴~!!

開飯了!!!

是日晚餐: 蓮藕果皮紅棗豬骨湯+蠔油生菜+蠔油蓮藕炆豬手+魚香茄子煲