:+:+:第一次歡樂谷谷聚:+:+: (05.04.2014)

開左個英國歡樂谷唔經唔覺得幾個月了~

終於成功完成左第一次聚會啦~!

唔係個個都係住喺倫敦架嘛...所以今次聚會只有連埋我5個谷友出席~!

雖然大家都係第一次見面.....不過一坐低就咇呢吧啦的一輪咀~~

好熱鬧呢~!!

今次謝謝谷友G 幫忙訂檯食火鍋~ 

20鎊一個人, 水同埋檸檬汽水任飲真係超抵呀~!!

 食飽飽的我地之後去左買呢期倫敦好HIT的台式珍珠奶茶~

其實之前都喺唐人街飲過一次.... (超難飲的~!!!!!) 

所以今次冇咩期望~!!

要左杯熱的芋香珍珠~!!!

好好味啵~!!!!!!!

雖然排左差唔多半小時...不過都係值得的~!!

行街時買左呢個叮噹餅比陳大少... (因為我唔想一堆人咁陪我行去Minamoto Kitchoan源吉兆庵買幾個豆沙餅嘛....)

佢話...味都唔差....不過好少紅豆饀喎~~~!!

哼..咁一分錢一分貨係一定架啦.. (下次補番數買比佢食囉~!)

唔想拎太多野..但係都係忍唔住買左包桃哈多~!!

之前有一次好想食雞絲粉卷....

在歡樂谷問左大家...先知原來唐人街有河粉廠..

仲可以買到新鮮的河粉架~!!!

雖然好重.... 但係都忍唔住手買左又新鮮又軟腍腍的河粉, 河皮粉同埋腸粉~!!

拎到手軟~!!!

因為行完街街番到屋企都冇力整野比陳大少食... (其實係懶又想抖抖~!)

經過YOSHINO買左外賣壽司比佢~

但係又怕自己食埋一份佢會唔夠食...

見到人地食我又會想食~!!哈哈哈~

所以買定多啲呀

食壽司就其實已經會夠飽....不過...見到個腸粉咁新鮮...

又忍唔住手煎埋~~哈哈哈~~

真係好好味~