:+:+:花膠螺頭蜜瓜雞腳湯 (附食譜):+:+涼粉家晚餐 (26.04.2014)

涼粉媽一向都係涼粉家的採購部首領..

你地平時見到我好多估唔到外國有得賣的中式食材都係由涼粉媽喺香港親自挑選同採購架~!

所以話呢....有個懂事的媽媽就最幸福~~哇啦哇啦~!

上次陳大少自己番去香港都有陪涼粉媽買買買啦~!

陳大少話: 嘩....媽咪買野仲狠過你呀~!!

我都話我啲購物狂係遺傳自媽咪架啦~~!! 哈哈哈~~

今日呢個花膠螺頭蜜瓜雞腳湯真係好好味呀~!!!!!

謝謝媽咪一直擔心我地冇好材料煲湯煮食所以一直大手大手入貨~~ !! 好感動~!

材料及做法: 

花膠 - 1隻 (要先浸發架~!)

之前的鮮奶燉花膠食譜

螺頭乾 - 5粒 (用清水浸後洗淨隔水)
淮山 - 數片 (用清水浸後洗淨隔水)
茨實- 大約1湯匙 (用清水浸後洗淨隔水)
圓肉 - 數粒 (用清水浸後洗淨隔水)
薑- 數片
蜜瓜 - 半個 (去皮去籽)
雞腳 - 6隻(清水汆水後去趾甲洗淨)--->唔食湯渣就唔洗去趾甲啦
瘦肉 - 大約 400克 (清水汆水後洗淨)
 

材料準備好唒了~~~

加凍水, 大火煲起後轉細火煲一個半小時即可~熄火調味~

呢個湯真係好好味呢~~~~!!

湯煲好時, 晚餐都準備好了~!!

開飯了~!!

是日晚餐: 花膠螺頭蜜瓜雞腳湯 + 蒸蓉炒西蘭花 + 現成的炸蟹拑 + 韓風茄子雞煲~