:+:+:酥炸蒜香骨(附食譜):+:+涼粉家晚餐(23.04.2014)

 陳大少一向都鍾意食香口野..(其實我自己都係...哈哈~)

見好耐冇整炸野...

買左排骨番黎... 一於整少少炸排骨佢食啦~

 

排骨一盒就大約800克

一半要左黎整蒸飯

:+:蒜蓉排骨雲耳蒸飯:+:食譜

又係因為英國的豬肉真係會好大陣肉燥味~

所以一般都會用清水先浸大約30分鐘....最少都要浸15分鐘啦~!

浸完就係呢個樣啦~

加蒜粉+胡椒粉+鹽+糖醃最少30分鐘, 我醃左一晚, 所以醃料份量唔洗落太多~

炸前拌入少少生粉~

燒熱油後轉中火~ 加入排骨炸至金黃及全熟~

用廚紙印油

燒熱鍋掃上少少油後轉細火炒香蒜蓉

太大火蒜蓉燶左就會唔香夾苦架喇~~~

加入排骨少少鹽+蒜粉炒至乾身~

完成了~!!

涼粉家晚餐通常都會有湯水的~~

今次係猴頭菇螺片煲雞湯~

開飯了~~~

是日晚餐:

猴頭菇螺片煲雞+麻辣牛筋+蠔油冬菇生菜+酥炸蒜香骨