:+:+:泡菜豆腐雞肉鍋 (附食譜):+:+: 涼粉家晚餐 (28.04.2014)

小時候唔鍾意食泡菜, 嫌佢又鹹又凍又酸又辣..都唔知咩鬼野黎架~!!

到到前幾年再遇番佢~!! 愛上左之餘..

仲食上癮呢~!!

屋企雪櫃仲會長期有一兩樽泡菜看門口~!

今次呢個泡菜豆腐雞肉鍋其實之前都整過一次呢~~

不過上次係用豬肉咋~!!

材料及做法:

雞扒- 3件 - 切粗條 (加入味醂+日/韓式醬油+胡椒粉+鹽+麻油拌勻)

鍋內掃油, 中火燒熱後加入雞柳~ 

煎至轉色及微黃~~

加入泡菜 (3湯匙) + 雲耳 (清水浸軟後搣細)

加入適量水份, 大火煮煲後加入日式滑豆腐

煮滾後小火煮數分鐘至雞肉全熟

熄火調味~

加上蔥花~

香噴噴的泡菜豆腐雞肉鍋就完成了~!!

當然唔少得涼粉家湯水啦~~~

呢度係猴頭菇粟米煲雞湯~ 

粟米切細件就會更加出味啦~~~

不過我買番黎之後唔記得斬開佢就放左入冰格....

所以就原條落~

煲一個半小時就有湯水了~!

是日晚餐: 

猴頭菇粟米煲雞湯 + 泡菜豆腐雞肉鍋 + 腐乳炒生菜 + 膶腸~

開飯了~!!

之前的食譜

泡菜豆腐鍋