明明就係話星期四晚整呢個....之後...星期5晚整咖哩--->要黎交功課~~
點知咩都整唔成~~~
星期6晚唔O係屋企....怕左大少~~....朝早我就O係度洗洗切切...等佢中午放工番黎有得食~~~呵呵~~
因為星期6晚冇人o係屋企煮煮煮丫~~~~
第一次整...我覺得幾易整...呵呵呵...
等天氣凍D再煮過呢個西班牙煲仔飯~~~~~
點知咩都整唔成~~~
星期6晚唔O係屋企....怕左大少~~....朝早我就O係度洗洗切切...等佢中午放工番黎有得食~~~呵呵~~
因為星期6晚冇人o係屋企煮煮煮丫~~~~
第一次整...我覺得幾易整...呵呵呵...
等天氣凍D再煮過呢個西班牙煲仔飯~~~~~
O係超市賣香料O個度買番黎O既蕃紅花(SAFFRON), 一樽仔就係得0.4克~今次用左一半了~~蕃紅花係以重量計最貴O既食材....
不過唔用佢黎整呢個飯....就失真了~!
...用少少就成個飯都香噴噴...抵~!!!!!
上星期O係五豐行搵到O既急凍魷魚仔~...好抵買...一盒都係1鎊半..(19蚊).....
今次用左半盒~
魷魚仔去衣去內臟去軟骨去眼睛位..之後洗淨隔水切圈
飛水後備用~
西班牙腸仔 + 白蘑菇 + 洋蔥 (切粒), 蒜蓉 (1湯匙), 燈籠椒切條~
煮食用橄欖油加入鍋中後開火~
先加入蒜蓉 + 腸仔粒 (個樣好似臘腸呀) 炒至出油後~
加入洋蔥粒+ 白蘑菇粒~ 炒至軟身~
加入白米炒勻~
蕃紅花+少少熱水浸數分鐘後加入鍋中~
第一次加入1飯碗份量滾水 + 少少雞粉, 煮滾後轉細火煮10分鐘~
第2次再加入一飯碗滾水..舖上海鮮及燈籠椒後轉中火再煮10分鐘~
灑上少少香草碎~~~~~又係時候~~~~開飯了~~!!
有蕃紅花同埋西班牙腸....夠唒顏色丫~~
食時落少少檸檬汁就o岩唒我~!!
********************************
我o係出面食過4次西班牙海鮮飯...
第一次- 同朋友O係la tasca食...好味...
第二次- 同媽咪同細佬再去番la tasca食....一樣好味~
第三次- o係馬德里主廣場一間比較高價o既餐廳食 - 好好味~~
第四次 - 都係o係馬德里食..不過去左間平民餐廳食 (好似茶餐廳咁o既)....好難食~!!!!我食左一啖..就冇食~
食過4次...有好味同唔好味...自己可以調校番自己口味....
今次整之前都睇過好多食譜.....最有用係blog友+深夜煮煮會會友鬼嫁的食譜~~又詳細又清楚...
見到其他食譜...有d話唔用蕃紅花就可以用薑黃粉....唔係嘛..用黎整葡國雞o個d薑黃粉啵~~
自己屋企煮...自己食落肚o既...我都係比較偏向足料d~~同埋正宗d~~
今次係大少第一次食西班牙飯...(冇計啦...佢都唔鍾意出街食o既....)
我估到佢會鍾意食...(因為有飯又有海鮮丫....佢係香港胃...要有米飯落肚先最開心~) 但係佢之前一直唔肯同我去食la tasca...!!!!!
下次去bluewater....有機會就可以食啦~~~呵呵呵~~
沒有留言:
發佈留言