:+:+:星期日拍拖仔+ARANG 韓國菜:+:+:(29.09.2013)

約好左大少今個星期出去...因為佢要出去剪頭髮啦...又可以順便出去行街街同埋食個飯飯...

平時佢9成9話想食日本野...我仲連靚靚餐廳都諗好左..

點知出去時...問佢想食咩... 

佢話想食韓菜....

 不過未肚仔餓喎...(其實我地晏左出去..到市中心時都兩點幾了~!!)

咁佢話未餓就一於去HARRODS買左我想買的東東先...

之後..就行一陣...

先睇過頂樓的跑步機...有人話想買跑步機丫嘛.....

睇左咋......再四圍睇吓啦...分分鐘再睇睇吓佢就唔記得左佢想買~!!

之後...睇玩具~~~玩具部冇左好睇的...

小朋友糖果部亦都冇咩特別糖果好買~~~

 去左睇電器.......

睇吓有咩新野正野...

大少同我想法一樣...行街唔係一定要買的..但係你唔行街又點會知出左咩新野呢...

行得多...一定有野想買.....就會係努力工作的動力啦~~!!!!!

就好似以下呢部弧形的OLED電視咁~!!! 唔係特別大..但係好好睇呀~!!!!!!!

但係........要成8000鎊...(大約十萬蚊啦~!!!) ...

如果有大部啲(60吋就夠了)又平啲(我最多出2500鎊)就好了~!!!

我知我知...發前冇咁早丫嘛~!!

電器部有蘋果檔.....但係一部陳列的IPHONE5S都冇囉~!!

唔止係金色..係真係一部5S都冇...

不過見到呢住喺玻璃櫃入面的...貴野~!!!

SEND左比細佬睇之後先知...係IPHONE 5黎的....

大少就話: 唉...你睇吓你...唔識英文真係慘~!!! ----> 呢句通常會出現喺寫住PULL的店門上面...

我.....我....我....當然知道....PULL=拉啦...不過唔知做咩..好似有磁力咁..係會自動的撞埋去...

呢個時候...大少又會講番嗰句野... (最黑人憎係....句野係本身我要黎話佢架~!!!!!!!!!!哼~!!)

再行左去睇傢俱....(大少有呢個喜好的!!)

我地..又當然去左睇廚具.......冇心插柳下....再加上大少搧風點火.....

買左個新玩具....送左貨黎先整個開箱文啦~!!!嘻嘻嘻~!!!

之後...有人嘈住一定一定要去買甜品.....

買左差唔多次次必買的...

上次見到呢個 俄國千層蜜糖蛋糕都想試..但係好大件的...

今次見佢有原個賣...問左蛋糕哥哥...佢話當然可以切左佢黎散買一件 ...啦啦啦~~~

兩盒...

最好係...有人搶住要拎....平時我同朋友仔出街...我自己拎...之後番到屋企...

最本好靚靚的蛋糕..都會...好似受左輻射咁~~哈哈哈哈哈~~~!!!

好啦...我唔想去番上次嗰間..唔係因為佢唔好食..係因為..去左幾次有點悶...同埋想坐得舒舒服服一點撐吓檯腳~~

同大少去左猿人行左個轉....之後就黎到GOLEN SQUARE的呢間ARANG...

好多年前黎過一次...感覺係好貴...(TOTAL2男一女食左成160鎊((2000蚊)))..韓燒又唔係自己燒.....

 平時麻麻地韓菜的大少...唔知係咪睇得RUNNING MAN定係韓劇多....冇啦啦話要食韓菜~!

幾靚靚的MENU~~

 因為我地去到時...都差唔多4點了~~

唔會有SET LUNCH啦~~

不過有A, B, C, D套餐...我地揀左A...有韓式牛肉炒粉絲...B, C, D, 有韓式煎/燒餅架...(我麻麻~!)

裝修咁多年都冇大變化...

韓燒爐同埋抽氣就係新的~~~~!! 食飽飽出黎真係冇咩韓燒味丫~!!!超開心~!

韓式牛肉炒粉絲

大少第一次食....話好好味~~

泡大白菜, 薯仔沙律同涼拌芽菜都好味道~!! (之後又話泡菜鹹鹹酸酸的人都話好味~!!)

麵豉湯...

仲有涼拌蘿蔔絲同埋涼拌菠菜..

嫌蘿蔔絲唔夠酸啦~~~

煎蟹柳, 豆腐, 餃子, 魚塊, 什菜餅~

唔錯...又唔係話特別好味...(不過鍾意一檯都係唔同種類食物的大少食得好開心~!!)

 其實我真係同佢講左話個套餐一定夠食...不過點好多食物係大少性格同習慣...

今次我...極力阻止下...佢淨係叫左燒牛舌...(一碟得7片....我上次黎時就係散叫呢D........呢7片..大約100蚊~~!!!!!!)

同埋豬五花...... (一碟好似有6塊~~~)

呢個係跟餐的燒牛牛.... 

當然仲有菜菜同埋辣蔥絲包黎食啦~~~(不過掛住食唔記得影~!!)

大片的比較好味...當然...係有專人燒好再自己夾黎食啦~~~

牛肉片都好味....好腍滑..不過我地比較愛有咬口的~~

 

 仲有炒飯......

當然唔少得水果啦~~~

一般倫敦市中心黃金地區都係收12.5%服務費......呢間都係~!

 我話...比預期中平.......

大少話: 比預期中食得更開心...更爽...超級大滿足喎~!!!

  之後飽到傻傻地...

 快快手陪大少去剪頭髮....

平物話想去日超同韓超..都因為食得太飽飽而擱置....哈哈哈~!!

但係番到屋企都要睇吓蛋糕們..佢地真係仲係好靚仔咁呀~!!!!

呢個RUSSIAN HONEY CAKE真係好大件...自己一個住一個盒囉~!!!!

 開開心心又一個星期日了~!!!!!

洗錢飲飲食食買買真係好開心...到左星期一.,.又係時候努力工作了~!!

丫....回家前見到呢間店....做緊CLOSING DOWN SALE...入面全部東東都半價...不過真係要留心日期丫~~~

我地....食飽左唔願買食物..都買左一袋仔~~嘻嘻~~~