:+:+:補身烏雞湯:+:+:(附食譜)

又係一個月一次(起碼一次啦)的補湯時候..

有啲時候飲補湯會更加吸收架嘛....(你地明架啦~)呵

`

之前在中超見到有急凍烏雞.....開開心心買左隻黎煲湯...

買番黎時係呢個樣的~~

我放左入大LOCK LOCK盒再放雪櫃解凍左2日

平時見慣英國超市賣的雞係冇頭的又冇腳的...點知呢...好驚驚~~

呢個有頭又有腳...叫左大少幫我斬左雞頭同雞腳之後...

就成隻雞加凍水拎左去汆水...

點知呢...之後發現隻雞有啲怪...個肚好實淨丫...

PAT PAT又冇窿

原來........隻雞係.....未劏的~!!!

我暈了~

砍走個PAT PAT之後就拎番入面啲野出黎再汆水......再洗乾淨....

呼.....唔知點解...好驚驚~~~!!

黨參, 北芪, 淮山, 杞子, 紅棗(去核),  茨實 各大約40克

元肉 - 20克

紅蘿蔔

薑片

汆水後洗淨瀝乾的烏雞~

加入凍水後大火煮滾, 滾起後轉小火煲一個半小時~

熄火後加鹽調味~~

湯好好味呀~!!

有位先生, 佢本身聞到時話可能會唔鍾意飲...因為又深色又好似好重藥材味...

不過飲時咪又係話好好味~!!

呵~~~

煲雞湯我一向都去皮去肥膏啦..不過烏雞好似話唔好去皮呀~!!!

雖然烏雞色咁...有啲啲恐怖..(其實應該唔關雞事....係我見得少...)
不過煲起上黎真係好甜又好飲....下次見到有烏雞又買先~!!