唔知大家有冇睇呢套黃色復仇草呢~??
劇情同妻子的誘惑有啲似...
初初睇時係睇TBB配音的....頭幾集幾好睇...之後劇情好慢...到到20幾集時...大少忍唔住問我做咩睇黎睇去都係咁上吓劇情..我話我都唔知....
加上劇情係由無數個巧合而成....女主角又蠢....睇到好火...(好師奶咁邊睇邊熱鬧...哈哈哈)
大少忍唔住...上網一睇.....原來佢有成108集~!!!!! 知道之後就係咁笑我~!!!哼~!!!
到到睇到50幾集...就開始越黎越好睇~~~呢幾日...
我已經睇得快過TBB一日播兩集的速度了~~
所以睇緊韓文原裝的.....
越睇越緊張呀~!!! (其實係睇到第二女主角開始受番唒自己做完壞事的後果....感覺好爽~!!)
哈哈哈.....
你地有冇睇過呢套劇唷~???
有108集咁多?我頂唔到咁多集喎! 之前我睇嗰套叫'49日', 都幾好睇,得20集
回覆刪除Happy Halloween, trick or treat!
佢一集得30分鐘架咋~!!你都睇啦睇啦~!!等我又去搵搵49日先~!!
刪除多謝分享,好少睇韓劇!
回覆刪除我初初時就係貪佢廣東話配音...同埋...已經有一大輪冇睇TBB劇了...有時放工又唔想聽英文~XDDD
刪除追得好辛苦哦,尤其係要睇字幕。要食D補眼湯水呀!
回覆刪除真係唔係講笑...追劇的時侯真係皮膚都差左呀~!!!
刪除108集!! 我聽到已放棄了~~哈哈!! (基本上我係唔睇電視劇o既.....因為好難集中到咁耐精神呀>.<)
回覆刪除咁你睇咩多~??
刪除