:+:+:珍珠雞:+:+:(附食譜)

好耐都冇整珍珠雞了~~!!

之前大少成日買中超急凍嗰啲..但係愈賣愈貴而餡又愈黎愈少....

都係自己出手的好~!!

上回講到...屋企靚冬菇食唒.....要用罐頭頂住先~XDD

雞上肶 - 6件 (去骨去皮後切粒粒)

甘荀 - 1條 (去皮切粒粒)

蝦米 - 2湯匙 (沖洗去沙後用清水浸軟, 水留用)

木耳 - 清水浸軟後切幼粒~

糯米清水浸一晚..., 煮前再用滾水煮大約3分鐘, 隔水後加入少少鹽, 胡椒粉及麻油拌勻~)

之前同大少講左話落榣柱..不過唔記得前一晚唔記得浸...

所以即時解凍帶子粒粒~!

炒香全部材料~(帶子粒粒除外~)

加入蠔油, 生抽, 胡椒粉, 鹽, 糖調味~

加入浸蝦米水, 煮至滾起~

加入帶子粒粒~

煮滾後加入生粉水煮至濃稠~ (味道要偏鹽少少唷~!)

盛起備用~

荷葉一開三~

加入滾水內浸大約1分鐘~抹乾淨~

 先加糯米, 再放餡料~

再放入少少糯米...

包好~ (不過唔好包得太實呀~!)

放入蒸籠蒸大約40分鐘至糯米飯軟糯~

蒸好了~~~

自家珍珠雞..一定健康啲又乾淨啲~!!!

丫...如果有落埋鹹蛋黃就一定更好味..

不過都好耐冇浸鹹蛋了...

鹹蛋嘛.....始終都唔係咩有益的東東...可少食....就少食~~