琴晚收到KAKA個馬田醫生電話...化驗報告出左了...
唔係最可怕的癌, 只係組織感染..
不過唔會擴散, 但係比估計中大面積,
所以好可能會開多一次刀
不過詳細都係等星期三再覆診時先再傾~
是咁的...由香港番黎之後第2日就發現KAKA豬心口有舊手掌心咁大的唔知咩野..
即時BOOK左去睇醫生, 醫生話睇落7成似係感染~
用針抽左少少去化驗, 可惜報告出黎話好大機會係腫瘤/癌
嚇到震騰騰~~~
醫生開左少少抗生素...卡卡食左兩日心口就再冇腫...變得完全唔顯眼...
打比醫生, 佢話可以揀睇定啲再ACTION, 但係佢會認為開刀拎出黎做化驗,
早知早醫比較好, 同媽咪都老公傾過之後...
都係決定比KAKA盡快開刀..
就係咁樣...
卡卡肚仔手仔都剷左毛..
宜家冇事就真係安心唒~!!!! (雖然可能要再開刀...不過唔係癌, 唔洗化療電療我都放心左了~)
呢啲相仔係手術前幾日影的..
有隻卡卡...同KABABA玩麻鷹捉雞仔玩得太開心
手仔拗柴, 行路'鐘''鐘'吓兩日....
唉....嚇死我~!
玩得好認真~!!!
爸爸扮捉佢..佢緊張到呢~!!!!!
其實佢都知自己唔係好舒服, 所以都會搵草食...
我地見到...當然都有幫佢揀草啦...
唔要老又唔要太幼...
唔係條條草都啱食架~!!!
KAKA快快好番準備過開心聖誕同新年~!!!!
大家都要身體健康, 日日開心呀~!!!!
唔係癌就安樂晒!
回覆刪除嘩, 嚇死我, 無見Kaka一排突然有病. 好在唔係大件事, 買定南瓜整南瓜溶俾佢手術後食補身呀.
回覆刪除唉吔....嚇死我啦.......Kaka快d好番呀
回覆刪除唔係癌都無咁驚
回覆刪除唔係大件事就安樂哂!Kaka加油!要快D好返呀!
回覆刪除好Like佢係花草傍的相好嬌俏
希望Kaka手術後可以早日康復,望見佢食草嘅眼神,覺得佢好似諗緊嘢咁!
回覆刪除錫番kaka, 一定要大步檻過呀
回覆刪除嚇c人! 感受到涼粉子你擔心, 好在唔係大件事咋
回覆刪除Kaka要叻叻女, 手術後快d好番呀,
雖然我驚驚...但一樣會祝福kaka快d好番,開心度佳節!
回覆刪除唔係癌都冇咁驚, kaka快D好番, 同你哋開心過佳節
回覆刪除