:+:+:沙薑炆雞腳:+:+(附食譜)

平時在中超買一大包急凍雞腳番黎...

通常都會一次過汆水,,,再分番一包包入冰格留黎煲湯時用~

今次留番黎幾隻要黎加餸~! 呵呵~~

簡簡單單用沙薑粉炆...都好味架~!!

材料及做法: 

雞腳汆水後洗淨, 用廚剪剪去趾甲後隔水~

加油後加入薑片(4片)及蒜粒(4粒)

鑄鐵鍋加熱爆香

加入雞腳畸炒至乾身~

加入2茶匙沙薑粉加入滾水~ 加入少許老抽 (顏色會好睇啲啦~~怕面上暗瘡有印的話就唔好加了~!)

大火煮滾後熄火焗15分鐘, (如果唔係即食的話可以再焗到鍋涼)

再煮滾

大約重覆兩次就夠腍了~!

要黎加餸真係唔錯的呢~!!

開飯了~~ 呢晚有清蒸菜心, 沙嗲牛肉粉絲煲, 仲有呢味沙薑炆雞腳~!!