大家有冇聽過中環羅富記?
涼粉子小學時學校在羅便臣道, 有時涼粉媽接左我放學之後就會帶涼粉子去羅富記食碗粥..
同埋....當然唔少得最出名的鯪魚球啦~~
炸鯪魚球大大粒又足料又唔會食到成口粉~!!
好好味~!!!
同埋.. 碟蜆蚧真係有蜆的...
蜆蚧要有蜆先好食架嘛~!!!!!
涼粉子好愛好愛食魚粥~~~~
羅富記冇賣魚雲粥了~ (宜家香港啲魚頭真係十級貴...英國就淨係搵到三文魚頭賣... )
不過食到碗新鮮鯇魚腩粥都好唔錯丫~~~
唔好睇佢好似唔多料咁.. 其實入面有成5大舊魚腩唷~!!!
正當我慢慢嘆緊碗粥的時候...
就聽到個亞嬸嬸大大聲話賣唒魚腩了~~~
(其實都係12點幾咋~~~)
係呢.. 大家如果知邊度有好味足料魚雲粥食... 請話我知.. 我下次番香港就可以去食喇~!!!
謝謝~~~
之後去左旺角會合左朋友再一起入大埔~~~
見有時間... 哈哈哈..涼粉子記得之前一日見到CICI廚房POST了大埔嘉禾炒麵廠的推介~
竟然有...陳大少想食好耐好耐的陳皮魚蛋丫~!!
(陳皮魚蛋就係那些年細細粒比較深色同彈牙有淡淡陳皮味嗰種魚蛋丫.. 已經絕跡左好多年架喇~!!!)
同朋友仔講起..佢即時GOOGLE搵地址再車到我去門口...
涼粉子入去買...
而朋友仔因為冇位泊車...所以就兜個圈再黎接番我~!!
20蚊一包/半斤(定係半磅呢??? 我已經唔係好記得~~~)
買左4包比陳大少...
又買左兩包比朋友仔~~~
之後有人訓醒晏覺~~
一於一起去下午茶~~~~
(我仲記得有人話好肚餓..同埋諗住食粥啦~~)
其實涼粉子食粥食唔厭...所以如果呢餐食粥的話一定更開心!!!
之後冇啦啦走左去唱K....
好似好即興~~
但其實我知呢兩位男仕都係就我啦~~~~
嘻嘻.. 我冇講..但係我知的~~~
竟然係楊千嬅度搵到呢首歌丫~!!!!!!!
即時忍唔住要腥張相比高小姐睇~!!!
我地仲約左下個月倫敦見面呢~~~
之後去朋友家晚餐~~~ 餸菜有我喜愛的炒蜆...
遷就麻煩的我整左少辣丫嘛~~~ 下次一於辣啲辣啲再辣啲~~!!
仲有可愛的HEBEE.....
次次HEBEE見到我都好似好開心咁~!!
食飽飽就攬住朋友仔送我的自家制重手東東回家去~!!!
忍唔住要打開啲陳皮魚蛋黎睇吓~~~~!!!
睇完又忍唔住想試吓所以...
宵夜食炒飯時又開左幾粒~~呵呵~~~
真係真係小時候食魚蛋嗰種魚蛋呀~!!!!
啲陳皮魚蛋,你哋清晒倉未呢?
回覆刪除未啦.. 拎到過黎英國慢慢食架~~~ 哈哈哈~~~
刪除羅富記以前成日經過,但冇食過,原來出名的是鯪魚球~下次去要試下先~XD~
回覆刪除涼粉子:
回覆刪除~你細細個, 涼粉媽就帶你周圍食, 怪不得你咁識煮野食啦!!
~你都幾喜歡唱k. 我10年無唱啦!!哈哈~