好耐好耐冇出食譜.. 就黎連自己煮過啲咩都唔記得喇~~
愈唔記錄就愈冇煮意~~~ 唔... 涼粉子要加油呀呀呀~!!!
愈唔記錄就愈冇煮意~~~ 唔... 涼粉子要加油呀呀呀~!!!
涼粉子由細到大都好鍾意食蜆, 特別係豉椒炒蜆簡直就係食極都唔厭~~~
喺倫敦買海鮮其實啲貨都幾飄忽... 見到新鮮蜆蜆當然唔會錯過佢啦~~~
唔想熱氣又懶懶地所以揀左濕濕地又好暖胃嘅油鹽水浸蜆~~
加埋西芹好香噴噴... 仲有香港街市買番黎嘅散裝粉絲... 好爽口又唔易爛~~ 簡直係一流呀~!!
材料及做法:
新鮮蜆蜆 - 1KG
洗淨後浸水30分鐘吐沙
薑片加水大火煮滾後加入蜆快快手汆水後瀝乾
西芹隨量, 切長條
(冇唐芹就用西芹都唔錯... )
蝦米洗淨後浸水大約15分鐘, 隔起蝦米水留用~
粉絲用清水浸軟後瀝乾~
凍鍋凍油燒熱後加入薑蒜蝦米爆香~ 加入少少绍興酒~
加入雞湯煮滾~~
加入蜆同埋西芹條, 煮多幾分鐘後調味即成~
熱辣辣香噴噴原鍋上夠晒方便呢~~~
沒有留言:
發佈留言