呢排真係少左煮飯是真的...
不過呢...湯仍然都係有煲....特別係話左出去行街街呢...
我通常朝早都會煲落湯...同KAKA去街....番黎食個早餐..之再洗白白準備去街街...
之後....先叫醒亞大少~~~
今次呢...係人見人愛的滋潤蜜瓜湯~
材料及做法:
蜜瓜 - 1個 (去皮去籽切大件)
雞腳 - 8隻 (薑片汆水後用廚剪剪去趾甲)
瘦肉 - 2件 (凍水汆水後洗淨)
甘荀 - 1條 (洗淨後切件)
無花果 - 3粒
南杏 - 1湯匙
凍水加材料大火煲至滾起後轉小火煲1.5小時即可~!!!
呢排天氣乾, 飲呢個湯甜甜潤潤又重膠質...真係好味又健康呀~!!!
我都想飲呀,我屋企好少煲到湯....
回覆刪除放工番屋企之後唔得閒煲~?
刪除我通常一星期都會煲一次湯!
回覆刪除點解咁少架~?
刪除留一碗唔該!
回覆刪除無問題~!!! 要幾大碗呢~?
刪除LC 24cm 大碗 XD
刪除我屋企冇咁大隻LC碗啵~!!XD
刪除涼粉子:
回覆刪除~你生活好健康, 早起又煲湯!!
~你煲湯....好識將啲材料配塔. 我煲黎煲去, 都係個幾款or 買湯包!! 原來蜜瓜煲湯, 都ok!!
哈哈..VICKY...唔係架..有時我放假好夜訓...但係都會慣左晨早就起身~>_<
刪除蜜瓜煲湯好好味架..我地通常買左蜜瓜..一開發現佢唔甜..就要黎煲湯~!! 你都試吓丫~!!!!
真係大鄉里,除咗蘋果、梨、木瓜,真係唔知蜜瓜可以煲湯呀! ;)
回覆刪除你有冇聽過爵士湯?? 都係有蜜瓜架~!!
刪除我好耐無煲湯水了
回覆刪除我在娘家時,爸媽都無試過用蜜瓜來煲湯,所以我唔知可以用來煲湯,但有了自己天地後就咩都試下,原來用蜜瓜來熬湯係好好飲,好甜架!之不過...近排好懶好少煲湯,不如請小高喝一碗吧!^O^
回覆刪除嘻嘻小高~!! 我同你TASTE一樣...蜜瓜煲湯真係好好飲~我呢排都懶煮飯...
刪除一係咁啦..你講食飯..我請飲湯~~~哈哈哈哈哈~~~
涼粉子,我食親蜜瓜都會喉嚨痕,敏感。唔知用嚟煲湯,會唔會依個問題發呢?
回覆刪除唔知呀....不過都係唔好博好啲呀~~~
刪除