陳大少一直都係日本拉麵精...
之前去日本...真係差唔多要晚晚食無敵家拉麵先開心~
所以倫敦出名朋友又話OK的拉麵店..佢都會去幫襯...
之前食過SHORYU... 佢覺得唔夠正宗....但係如果有時天氣凍又餓拉麵...都OK的~~
我地呢日3點鐘先食之前一餐...呢個時候都未夠6點....其實唔餓的......不過都去COCORO睇睇啦~~~啦....(其實行得去..都會食架啦~~~)
話就話6點開門..不過未夠6點..入面都坐左8成滿了~~~
我地冇訂檯...(亦都估唔到佢接受訂檯...) 所以就要逼逼地同人搭檯啦~
因為之前嗰餐飲左CALPICO嘛...所以呢餐...佢點左凍烏龍茶..我要左杯荔枝汁~~~
雖然未餓..但係見到佢個壽司師傅好專業咁..都想捧場試吓佢手勢~!!
大少係咁話想食炸蝦卷...(連我話想食軟殼蟹佢都唔比....哼...唔食蟹咪唔食蟹囉~!!!哼哼哼~!)
個蝦炸得好脆又食得出好新鮮...大少話好好味~
大少: 7鎊我覺得佢好抵食啵~~~
我: 咁如果係100蚊港紙呢~?(連埋12.5%服務費呢~)
大少: .....咁又好似貴左啲..
我: 不過如果香港食..食得出個蝦係剛炸起...又係親眼睇住個日本壽司(日本人感覺係正宗同埋專業好多的~~)師傳好好手勢咁整...
大少: 咁100蚊香港就食唔到啦...
大少: 咁100蚊香港就食唔到啦...
我: 係~~
大少: 咁我覺得佢仲更加抵食...下次BOOK左檯先黎...慢慢食....佢啲魚生好新鮮咁呀~!!
今次主要想食的豬骨湯拉麵來了~!!!
第一次見配菜係分開上~~
豬骨湯上面的係我喜愛的黑蒜油~!
拉麵配料有...溏心蛋~ 紫菜~叉燒兩片~木耳絲~炸洋蔥粒~蔥花~芝麻~同醃菜~
一次過扔唒落去~~~呵呵呵~~
拉麵係由日本運過黎...食落又真係特別煙韌好味~
個湯底我覺得好好...我差唔多飲唒食碗湯...但係唔覺口乾..(我有丁丁味精敏感的...)
陳大少就嫌湯底唔夠濃...(佢拎佢黎同東京池袋無敵家黎比較....)
其實呢個係冇飲啖湯..個咀唇會痴住咁嘅感覺~~~
不過真的好唔錯了~!!有90分~!!!
人均消費: 25英鎊~
官網: http://cocororestaurant.co.uk/
人均消費: 25英鎊~
官網: http://cocororestaurant.co.uk/
涼粉子:
回覆刪除~你分析得好好!! "食得出個蝦係剛炸起, 看得出日本師傅都專業". 我覺身處異鄉, 係能夠食到, 而且, 只是貴香港少少, 當然值得食. 同埋下下同香港比較, 身在異鄉會更辛苦!!
~依間拉麵不錯!! 我好鐘意. 睇黎你哋會更多機會再去日本旅行!!
嘻嘻,...我都好想快啲再去日本呀~!! 如果我地兩個再一起番HK..就應該會去日本行一轉架喇~~~ :)
刪除呢餐日本野真係幾高水準...食得好開心... :)
有機會都想去試吓!
回覆刪除大力推介呀~!!!
刪除< 未夠6點..入面都坐左8成滿了 > 嘩 , 我諗這間店一定係好出名了 .
回覆刪除HELLO!!! 真係好耐冇見你了..你好嗎~???
刪除呢間店真係好勁人氣...宜家好多人都係上網搵食丫嘛...有好評的一傳10, 10傳百....我都係咁樣搵到呢間餐廳咋~XDD
啲餸分開上, 啲湯夠熱嗎?
回覆刪除都夠熱.,...佢上時係用個碟'CUP'住個碗的..都夠熱呀~!! 宜家睇番都好想食~!!
刪除吓? 分開上??
回覆刪除我都係第一次見分開上....我就冇咩所謂..大少就覺得咁樣好體貼...因為佢唔鍾意食醃菜架~!!XDDD
刪除未見過有多款sushi食同埋餸、麵分開上嘅拉麵店咁得意!
回覆刪除冬天食拉麵食完暖㕸㕸,正呀!
我都係第一次見分開上....我就冇咩所謂..大少就覺得咁樣好體貼...因為佢唔鍾意食醃菜架~!!XDDD
刪除可能係要就番外國人掛....
我初初都以為佢係淨係拉麵店...估唔到SUSHI都高水準...好開心~!!
配菜分開上都係第一次見。間麵店咁爆,必定好味!
回覆刪除我都係第一次見分開上....我就冇咩所謂..大少就覺得咁樣好體貼...因為佢唔鍾意食醃菜架~!!XDDD
刪除你杯飲品有冰喎。。。
回覆刪除我撩走左佢先飲~XDD
刪除有機會都想試. 有無位推埋 BB 車入去?
回覆刪除應該唔夠位...佢入面真係好窄架~~~
刪除