真係開心嘅時間過得特別快~~~
~ 話咁快...卡卡豬就7歲了~~
上年整比卡卡豬的:+:乳酪蘋果蛋糕:+: 仲係涼粉子網誌的最人氣文章呀~~!!! (真係估佢唔到~~~ 哈哈哈~ 謝謝大家~~)
今年揀左一個卡卡好鍾意食的三文魚... 整左個好快手的SUSHI CAKE比壽星女~
佢當然係開心到跳跳吓啦~
食過SUSKI CAKE仲有生日餐呢~~~
希望寶貝卡卡豬身體健康, 開開心心, 活活潑潑, 乖乖巧巧, 貼貼心心~~~
溫馨提示:
傳說話三文魚比較多菌, 所以如果大家家中毛小孩腸胃一向麻麻地就唔好亂試喇~~~~~
材料及做法:
三文魚柳 - 2件
一件切片~
一件切成幼粒~
圓形小碗包上保鮮紙~
煮好攤凍左嘅麥皮飯~
就係平時煮飯方法加麥皮同埋加多少少水~~
待涼~
圓碗內加入麥皮飯, 盡量沿碗形按壓~
中間加入三文魚粒~
表面再加上麥皮飯~
反轉後按壓~~
拎起圓碗同埋保鮮紙~~~
個形狀涼粉子好滿意呢~~~
舖上三文魚片~
插埋蠟燭....
:+: (狗狗)魚生壽司蛋糕 :+:就完成了~~~
有隻為食妹忍唔住~~~
等多陣啦~~~
緊張得呢~~~~
丫... 差啲唔記得...
陳大少先排買左頂'惡YEAH'帽子比KAKA~~
戴左頂'惡YEAH'帽子...
涼粉子都覺得卡卡仍然係好可愛呢~~~
個SUSHI CAKE雖然總共唔洗半小時就準備好~~
不過個樣子真係唔錯架~!!!
煮意來自: 東X堂芒果流心蛋糕~~
除左蛋糕... 梗係仲有一餐比平時更精彩嘅生日飯啦~~~
先黎頭盤焗魚仔~~~
焗完香噴噴... (卡卡超好心機喺廚房門口睇火架~~)
陳大少準備比卡豬的燒牛肉仲有焗薯粒~~~
出爐了~~
咁多食物當然唔係一晚食唒架喇~~~~
睇見KAKA食到咁開心~~
我地都好開心~~~
Kaka生日快樂,最緊要聽話,又最最緊要健康噢!
回覆刪除個蛋糕好有創意,我都想食埋一份啦!
謝謝海豚兒~~ 我地都祝你身體健康, 日日開心~~ ^_^
刪除個蛋糕卡卡豬食得好開心呢~~
Kaka豬....生日快樂呀.....身体健康
回覆刪除謝謝靚婆婆, 我地都祝你身體健康, 日日開心~~
刪除Kaka豬,姨姨祝你生日快樂,要繼續食得玩得瞓得。你大Blaze幾個月咋,可以同Blaze做long distance好朋友。
回覆刪除謝謝CECI, 我一直以為BLAZE好細個架呢~~~ 原來都就黎7歲架喇? 真係快樂不知時日過呀~~~
刪除KAKA叫我問BLAZE有冇FACEBOOK喎~~ 哈哈哈```
祝KaKa豬生日快樂>_<
回覆刪除多謝你呀MIMI~~
刪除