之前日本超市買的蜜桃味有汽清酒都出場了~!!
好味道~~嘻嘻~~~
HMART的八爪魚鬚~~
加少少橄欖油, 海鹽同黑胡椒碎~~~
八爪魚鬚食時好脆口, 好味~!!
因為冇煮到味噌湯.. 珍珠帶子粒都加左海鹽同黑胡椒碎準備好可以燒黎食~!!!
本身冇預燒咁多蝦.. 不過又係因為冇整茶碗蒸....
所以加少少蒜味橄欖油,蔥同蒜又準備好了~~~
HMART買的牛脷~~~
大約12鎊.. 好抵食~!!
清理得相當乾淨, 唔洗完全溶雪切得更加得心應手呢~!!
牛脷厚切同薄切唔同食時質地會唔同~...
厚切加左橄欖油黑椒碎同海鹽~~
原來............. 陳大少未食過厚切牛舌~~
厚切的比較爽口~~ 又唔洗燒到太熟太老..
中間仲有少少嫩紅咁樣就好好~
薄切牛舌噴左少少蒜味橄欖油少少海鹽, 加左蒜蓉同蔥~~
薄切的快熟好多.. 入口比較軟滑~~
涼粉子比較鍾意食薄切~~
陳大少就話厚切牛舌更好味~~~
HMART的豬五花真係食一次.. 讚一次...
特別係因為英國超市豬肉有陣肉臊味~~ (又係因為屠宰方法唔同啦~)
就算浸走血水已經好好多.... 但係都係同HMART的冇得比的啦~...
下次都係去HMART買豬肉算了~~
因為天氣凍... 準備左飯飯, 當然係要用珍珠米先啱FEEL啦~~
平時唔多煮日本米.. 所以用獨立包裝的的確方便好多~~~
貴係貴少少.. 但係好過食唔切而浪費~~
英國朋友仔如果附近冇日式超市.. 呢隻喺馬莎都有得賣架~~
一公斤一盒, 一盒有兩包500克的~~
仲準備左:+:日式汁煮蘿蔔:+: (食譜後補)
陳大少好鍾意食的:+:日式馬鈴薯沙律:+:
慢慢燒慢慢食慢慢傾..
呢餐晚飯... 撐檯腳食左兩個鐘頭呢~~
好豐富啊!
回覆刪除其實都係想做到屋企食好似出街食咁... 又可以唔洗出去陪多啲卡卡.. 又可以慳番少少錢錢~~ <3
刪除