:+:+:紅酒汁焗田螺:+:+:(附食譜)

紅酒除左要黎煮牛尾...平時整肉醬意粉...我都會落少少架..

今次試新野...紅酒汁焗蝸牛~~
都好香口好味呀~!!

上次整過一次:+:蒜蓉牛油焗法國田螺:+:

 今次都係用番同一牌子的急凍田螺..

先解凍~

再汆水~(汆耐啲都唔緊要...最緊要乾淨...不過其實佢本身都真係好乾淨的~)

隔水瀝乾~

紅酒汁同煮牛尾的紅酒汁一樣煮法

加入田螺拌炒~

原煲連蓋放入預熱攝氏200度的焗爐焗20分鐘~

香噴噴..好好味...

田螺用咩食好~~

醒起之前喺巴塞隆拿冇咩點買野時買左的其中一樣野~~

好可愛呀~!!!! 要黎食水果, 小食...又或者係今次呢個田螺/蝸牛都好適合呀~!!

顏色好可愛..又好襯屋企的JOSEPH JOSEPH廚具呀~!!!

本身想買多幾盒比朋友做手信...

不過因為怕放手提行李唔比帶上機....所以買左一盒就算~(哼..又算驚都要買一盒...宜家過到骨又後悔唔買多幾盒~~)