:+:+:油泡刴椒魚柳(附食譜):+:+涼粉家晚餐(24.02.2014)

好耐冇煮辣野..連陳大少都少左食...

前幾日喺中超買左樽油泡辣椒番黎....一於要黎蒸魚柳啦~!!

:+:+:川辣蝦球(附食譜):+:+:涼粉家晚餐(10.10.2013)

其實我地去完旅行番黎之後我係有煮飯架...不過...想清咁啲旅行post先丫~~
之前(其實都係 兩年前了~)喺TIMESQUARE洞庭樓食過呢個餸...
覺得好食..不過多油....但係一直想整....
咁啱呢晚唔知煮多個咩餸好...就一於試吓啦~~~

:+:+:麻辣雞丁(附食譜):+:+:涼粉家晚餐(06.08.2013)

啦啦啦, 呢個餸又辣又刺激~~好好味~!!!

係咁的...一直都想整一次麻辣雞丁比大少食...因為佢宜家好鍾意食麻辣丫嘛...

一直話整話整一次都冇整過~~~~

之後呢..

睇左TBB的湘當韻味, 第一集除左有介紹我喜愛的刴椒之外, 仲有麻辣雞丁

係係係...人地係用大量紅尖椒去籽切粒的, 

我用左指天椒..哈哈哈~~~~

又辣又食得過癮...!!!呵~

:+:+:麻辣雞煲(附食譜):+:+:+涼粉家晚餐(31.03.2013)

凍冰冰唔願出街...今年天氣癲左....都4月了...仲係朝朝0度...中午得嗰兩度咁上下...

想凍死人咩..~~~

復活節連埋週末.....連住放左4日假~~~我喺屋企補眠....哈哈哈...冇出街行街...冇約朋友打麻雀...呵呵呵~~~~

星期日買想打邊爐..但係訓訓訓訓到好晏冇去到中超買菜菜...

唔知食咩好...其實我想食花雕雞煲....一早拎左啲粟米雞出黎解凍...

不過.....算啦..大少唔鍾意酒味.....我都係搵次佢激嬲我時先整花雕雞~~~哼~~!!

咁唔知點好時...諗起朋友們耐唔耐就會POST一大煲雞煲嘅相上FACEBOOK~!!!

好吧~~就食雞煲啦~~!!!

大少上左麻辣癮~~~包冇投訴~!!

:+:+:水煮魚片:+:+:(附食譜)涼粉家晚餐12.09.2012

之前都POST過水煮魚魚食譜了~~不過今次一邊煮時一邊影相~~

咁樣清楚D....一步一步黎~~

等大少都睇得明....下次由佢煮番比我食~~~

嘻嘻~~~我知佢一定點都話睇唔明~~

:+:+:欖角肉鬆乾煸豆豆:+:+:(附食譜)

琴晚煮O既餸同原定打算整O既....有出入...哈哈....係因為我唔記得左之前一晚醃定左叉燒.......又唔記得....屋企有包豆豆...

前一晚整麻婆豆腐又預多左少少榨菜碎~~~O岩唒~!!!

整呢個就O岩唒了~~~~又唔會話寡....大少一定鍾意食~~

之前都整過一次...不過冇落咁多材料~~~

:+:+:水煮魚片:+:+:(附食譜)

從前可能係世界上最怕狗O既人...但係有左KAKA之後.....未驚過啦~~呵~

從前我好怕食辣野...但係..宜家愈食愈辣....仲感染到陳大少都係咁....

次次買左魚番屋企...問佢想點食...10次有9次佢都會話係水煮魚....

其實...大少...你次次都係食水煮魚片架~~~

因為佢怕魚骨...所以...好心地的我...次次都係起左肉黎只用魚片.....

但係佢冇O係出面食過呢個餸...就係知道屋企O既好好味.....唔...因為我就左你同我自己O既口味丫嘛....

如果大少出街食飯...叫水煮魚...人地真係原條魚咁樣.....我就笑了~~呵呵~~

呢個餸..自己煮..可以調校麻辣程度......我鍾意麻而不辣....可以食到少少標汗...但係唔好個咀變孖膶腸~~呵~