:+:+:2011 馬爾代夫DAY 4 意大利菜:+:+:

到左第4日了~

雖然話係雨季.. 但係其實反而會比較冇咁熱...

喺屋企度睇住舊烏卒卒的雨雲飄緊過黎先上水..

先慢慢番入屋洗個白白都仲OK~~~

到到出番陽光時... 沙灘嗰邊就會有人曬太陽...

我同陳大少雖然係黎馬爾代夫HONEYMOON...

不過我地又真係冇做啲指定動作~~

即係例如喺沙堆度畫心心再加兩個名呀~~

又或者係用石頭砌心型.. 再兩個人坐喺入面嗰啲呢~~~

我地都係冇做到架~~ 哈哈哈~~~

只可以話我地都唔係好浪漫~~呵~~~

呢日嘅午餐... 去左小島大眾泳池旁的自助餐廳食~~~

開洋的海景好怡人~~

用長鏡頭仲ZOOM到去鄰近小島呢~~~~

仲有快艇~~~ 

陳大少有一次游游游游游游到好遠... 

遠到涼粉子用長鏡都望唔到佢喺邊~~

佢又唔肯著件橙色浮浮衫~~~淨係著左對蛙鞋....

真係嚇死人... 

驚緊嘅時候... 仲有架快艇閃過~~!!

真係嚇到鼻哥窿都冇肉呀~!!!

丫.. 呢度就係水上飛機上落機嘅地方了~~!!

因為唔係ISLAND CLUB的餐廳...

而呢個又係自助的... 人真係多好多~!!

如果要浪漫就番番去CLUB HOUSE食啦.. 不過呢度就比較熱鬧~~!!

無邊泳池~~~

食飽散散步....  去左尖到行個圈~~~

有人見到跑步機就想吓步~~~

著住對沙灘拖都要跑.....

沿路見到有果實的樹樹~~~~!!

之後抖一陣... 補番多少少防曬... 又係落水嘅時間了~!!

呢個好浮的人兒就係涼粉子了~!!!!

專登買部防水相機.. 當然要影多啲啦~~~~ 嘻嘻~~

其實... 肉眼睇真係靚好多架~!!!

玩到日落了~~~

又係時候番入屋仔洗個白白~~~

之後去CLUB HOUSE食個餐前小吃再飲杯野~~~

真係好嘆的~!!!

呢晚晚餐... BOOK左去島上的意大利餐廳~~

檯就喺正水上面~~~ 食食吓餐前麵包... 

可以飛少少落去餵魚~~ 嘻~~

浪漫到呢.... 黑媽媽真係好有情調架~~~

 連埋前菜一共5個COURSE... 真係好難揀架~!!!

頭盤 - 海鮮周打湯~

之後係意粉~~~

再黎至係主菜~

之後就係甜品~~~

再飲左酒... 又飲左餐後咖啡~~

真係............... 飽到上心口呀~!!!!