:+:+:蘿蔔西芹炒牛柳邊:+:+:(附食譜)+涼粉家晚餐(20.10.2012)

我同大少都好鍾意食白蘿蔔...

不過有時去到中超又會冇唒貨...一係就淨番D軟淋淋的....唔...真係買唔落手...

好在屋企附近的超市宜家都有得賣.....

我好似撞過幾次都係星期3 D貨最新鮮...

見到有滑嘟嘟實的的又好重身又肥仔O既白蘿蔔...梗係要買啦...不過都係得一條合乎呢個條件...

如果有多D就好了...可以整蘿蔔糕..大少一定開心到傻..呵呵~~

要黎做餸O既話...其實我煮意不多.....想炆都唔知炆咩好...

正好MORRISONS有新鮮牛柳邊......

..就簡簡單單炒埋一大碟啦~~~~呵呵呵~~

材料及做法:

牛柳邊 - 大約300克 (我留左一塊要黎整多薑牛肉焗飯比自己食..呵)
白蘿蔔 - 1條~
西芹 - 3條~

牛肉洗淨後切片, 加入水+糖+鹽+生抽拌勻醃好~

白蘿蔔去皮後切粗條~

西芹去絲後切粗條~

薑片起鑊~

加入白蘿蔔炒至微黃~

加入蒜蓉+西芹炒至有香味~

牛肉用麻油+生粉拌勻後加入鍋中炒至8成熟後熄火焗10分鐘至牛肉全熟後熄火調味~~

開飯了~~~

因為碟餸真係大大碟又夠好餸飯....其餘O個兩樣餸..可以隨意D...

有飯面蒸O既自家鹹蛋 + 香口蝦多士 同埋呢個蘿蔔西芹炒牛柳邊

呢日冇煲湯...不過有好有益O既羅漢果水呀~~~

網上小資料:



羅漢果的食療功效



羅漢果是中國一種獨特的果實。人們通常把它烘乾保存，把它作為入藥用途。它的
食用、藥用價值已有很悠長的歷史。

羅漢果味甘、性涼，益肝健脾，有清熱解暑、化痰止咳、涼血舒骨、清肺潤腸和生
津止渴等功效；可治喉痛﹑聲沙﹑氣管炎、哮喘、咳嗽、胃熱、便秘、急性扁桃體
炎等症。除此之外，羅漢果的根搗碎還可用治療刀傷、腫瘡癤等外科用藥；它是一
種極好的清香、甘甜飲料，可提神生津，常年飲用，能駐顏美容。羅漢果更可作為
調味品，用於燉品、清湯、或製成糕點、糖果、餅乾，其味清甜醇香。

羅漢果含有豐富的羅漢果甜度及多種人體必須的微量元素，熱含量極低﹝低卡路里﹞，
對人體頗有益處。羅漢果提取之精華，其甜度相對值等於蔗糖的三百倍。 羅漢果中
含有幾種抗氧化淨化物質﹐化解體內新陳代謝而產生的游離基﹐防止游離基氧化細
胞組織令身體機能失調致病。因而 羅漢果能減慢由氧化而老化的情況﹐防止老化所
致的病症﹐包括血管運作失常﹐動脈硬化而導致的心臟病﹑中風和老人痴呆等病變。
對於隨年齡增長而出現的老人斑﹑白髮﹑白內障等現象亦有幫助。此外﹐羅漢果更
具有降血糖的作用，為糖尿病、高血壓、高血脂和肥胖症患者之首選的天然甜味劑
及最佳的保健品。
[

游離基是什麼﹖
]

羅漢果除可與其他中藥組方入藥外，更可單獨或配伍其他中藥組方作為食用或者藥
用的用途：


一. 羅漢果茶：
羅漢果一個洗淨壓碎﹐用二公升水中火煲二十分鐘。關火後置十分鐘。熱飲或過濾
後冷藏凍飲均可。本方有清肺止咳、潤腸通便，對煙酒過度而引致聲音嘶啞、咽乾
口渴尤為有效。


二. 羅漢果豬肺湯：

二. 羅漢果豬肺湯：羅漢果一個，洗淨壓碎，加入豬肺適量燉服。對滋補肺陰及治
療肺結核、氣管炎有一定的療效。


三. 羅漢果治百日咳：

羅漢果一個，洗淨壓碎，柿餅五錢、魚腥草八錢、百部八錢煎飲服。


四. 羅漢果益母草湯：

羅漢果一個，洗淨壓碎，益母草五錢煎水服用。本方用於婦女咳嗽、月經不調。


五. 減肥健身湯：

羅漢果一個，山楂片五錢。把羅漢果洗淨壓碎，與山楂用250克水﹝約兩飯碗水﹞煎
煮，去渣留湯，如適量加入蜂蜜味道更佳。

羅漢果好壞的分辨﹕

拿起羅漢果在耳邊輕搖﹐響的便是不好。將果由離檯面二寸輕力放下﹐如它像乒乓
球般的彈起﹐即是佳品。

---

• 留言者: Jo 姐姐
• Email: joelam911@yahoo.com.hk
• 網址:
• 日期: 2012-10-31 01:39:02

好懷念媽媽嘅蘿蔔煮魚鬆 超美味呀
[版主回覆10/31/2012 23:26:42]我都想食丫..不過呢度唔易買到鯪魚...連冰左O既都唔係成日有~~嗚嗚~~

---

• 留言者: Vicky
• Email: ngviky@yahoo.com.hk
• 網址:
• 日期: 2012-10-31 00:22:35

涼粉子:
~你的入廚所煮的東西, 全是大少至愛, 咁好送飯嘅白蘿蔔!! 會唔會爬多碗白飯!! 哈哈~~
~我都買咗羅漢果, 近排又有點咳, 要學你整杯羅漢果黎飲先!!
[版主回覆10/31/2012 23:26:04]羅漢果真係幾好丫...我就覺得甜甜O地...個味都OK.不過原來上次POST過先知...好多人都唔鍾意飲~~

大少唔會爬多碗飯架.,...不過呢..佢好得意O既...無論個飯碗幾大幾細都好..佢都要去添一次飯架~~哈哈哈哈哈~~~..

---

• 留言者: Double Iron Legs
• Email: litzcheung@yahoo.com.hk
• 網址:
• 日期: 2012-10-30 23:27:25

啖啖肉，啱晒！
[版主回覆10/31/2012 00:09:37]嘻嘻~~

---

• 留言者: 黃師奶廚藝小百科
• Email: marblecw@yahoo.com.hk
• 網址:
• 日期: 2012-10-30 12:28:11

白蘿蔔~~我唔多煮~整蘿蔔糕多~
[版主回覆10/31/2012 00:10:51]其實白蘿蔔..我真係好似點整都鍾意食丫~~~~宜家想食蘿蔔糕了~~~~