:+:+:大蝦乾燒伊麵:+:+:(附食譜)

生日半夜食左餐得意宵夜...

正日當日...梗係拎左假...冇番工啦...

其實之前幾日肚仔痛..都冇番工了....

我同英女王一樣的肚仔痛....好多人嗰幾日都係咁..但係就真係過幾日就冇事...去完巴黎番黎之後第二晚...

大少就車左我去睇急症....

其實都係諗住睇左先...有咩公司要醫生紙上黎...我都可以叫佢地自己打去醫院拎~~~

醫生都係開左D止痛藥比我咋....

叫我飲多啲水..痾清唒就冇事~~~ (都預左係咁~~!!)

************************************************

生日要食麵麵丫嘛~~~

正日晚約左朋友去食飯...中午就打算整個麵麵食....

之前買左啲伊麵番黎都未整黎食....之前又冇整過伊麵~~~就一於試吓~

伊麵先用熱水煮至開始軟水

過冷河隔水備用~

蝦蝦挑去蝦腸, 用廚剪剪去腳, 頭部尖角同埋修修蝦尾~印乾水~

冬菇用清水浸軟後切幼條~

薑片+蒜片

蔥段~

LC平底鍋掃熱後燒熱, 加入蝦蝦煎香~

反轉另一面再煎~

加入薑蒜煎香~

蝦蝦盛起~

爆香冬菇~

加入水~

蝦蝦回鑊煮至全熟後盛起~~

加入雞粉+鹽+蠔油後加入伊麵~

炆煮至乾身後加入蔥段, 熄火後加入少許麻油~

香噴噴伊麵就出場了~~~!!!

***********************************************************
食左個麵麵之後又去訓....夜晚放左朋友飛機冇去食飯飯~~~

生日晚餐要推遲了~~~