2013年8月30日星期五

:+:+:卡卡受傷了:+:+:(26.08.2013)


激死我了激死我了~~!!!

最憎啲人放狗唔用狗繩, 就算你覺得你隻狗狗冰雪聰明到識睇車..車又唔會撞到佢..狗狗又唔會走佬唔見左..又唔會去咬人又唔會有任何意外都好...

都唔該你放狗用番條狗繩啦~!!!!!!! 問心我有時朝早冇人冇狗我都會放卡卡繩...放的地方好多時都係籃球場...就算見到老遠有人我都會即時扣番的...同埋...KAKA係叫得番架~起碼我真係望到佢實一實的~!!

真係無妄之災~~~

是咁的, 有一晚...大約11點幾...正如平常一樣..卡爸爸拖住卡卡出去行個圈去放低大大同埋小小.....

一直卡卡都係一隻好小心的狗狗...(話佢細膽都可以....)

佢喺覺得有可能比人/狗/狐狸偷襲的情況下...(即係有咩風吹草動...)佢係唔會大大小小的~~

就係當卡爸爸等緊卡卡培養緊去大大情緒的時候....

有隻小狗 (體形細細的...年齡不詳~) 衝埋黎....卡卡就慣常的吠兩野...兩隻狗狗互聞左幾吓之後~~~

小狗冇啦啦好兇狠地想咬卡卡條頸....

因為卡爸爸拖實卡卡的..所以卡卡可避開..但係唔可以還拖... 

卡爸爸出腳後小狗彈後幾步, 卡卡係咁吠呢隻小狗...小狗..又撲上黎....

丫....呢個時侯大家係咪會問.....小狗的主人喺邊....

其實佢聽到狗吠聲都喺老遠跑緊過黎....邊跑邊叫小狗個名同埋想叫停佢~!!!!

但係當然....小狗係冇理佢啦~!!!

再撲上黎.....卡爸出腳趕開左呢隻發左癲的小狗....... (佢好在....卡爸爸好心地冇踢落狗狗度...比著係我...係驚慌失措嘅情況下....我真係可能會~!!)

而小狗就比佢主人一手抱起左....

事後卡爸爸見卡卡冇事...就炳左佢主人幾句....

內容係今次兩隻狗狗都冇事好好彩...下次我隻卡卡為左護主有咩事發生就大家都唔想.....BLAH BLAH BLAH.....

番到屋企....檢查多次卡卡條頸係冇事的~~~~

點知....就發現左我手腕位有少少血...

唔知係我自己抓損自己定係點....

我有個好方法就係...比卡卡聞吓...如果血係我的...佢會用亮晶晶的眼睛望住我~~~

如果血係佢的..佢會LAM架~!!

點知...........血係卡卡的...

再檢查多次....頸真係冇事..但係...耳仔就流血血了~~~




再過多陣.....

卡爸爸發現卡卡面豬仔都流血了~!!!




激死我了激死我了~!!!!!!!!!!!!!!

番到公司後REPORT左事件去COUNCIL.....

幫KAKA BOOK左睇馬田醫生~~~

*****************************************************************
睇醫生.....

卡卡之前睇醫生都幾抗拒....不過自從遇到馬田醫生之後....佢好似唔多介意~~~

所以我地次次都BOOK番睇馬田醫生~!!


我同大少都收早...陪寶貝卡睇醫生...

其實佢冇咩大礙...不過怕左佢...一陣冇啦啦發炎紅腫我就會嬲死自己~~~

馬田醫生收費為....15分鐘顧問費...41英鎊.. (500蚊)~~~ (我暈了~~~~)

是的..卡卡唔係個個都錫架..

不過佢真係由得馬田醫生摸佢..檢查牙仔, 睇吓耳仔面豬仔傷口都冇問題....

仲自動波反轉.....真係好姣騰騰的....


 去寵物醫院途中發現卡卡左邊眼皮損左...(大約係半粒芝麻咁大啦~~~) 同醫生講完... 之後照左燈, 確定左眼珠仔冇事...就滴左橙色的眼藥水...

滴完眼白位置先係橙色...之後....轉左黃色....



 之後再係綠綠地色.....

醫生話係正常架喎~~~~


卡兩隻上面犬齒啡啡地色..醫生建議唔鍾意擦牙的狗狗用呢個潔牙啫喱.....

丫...卡卡仲有幾撻熱痱..定係濕疹......用番上次的清毒清潔液就OK喎... (佢好在唔會係咁叫我地買呢樣..買嗰樣~~)

宜家見到張單先醒起~~變色眼藥水冇落單呢...

要CLAIM 狗狗保險的話要OVER75英鎊...潔牙啫喱冇得CLAIM..即係12鎊.....咁即係唔洗CLAIM啦~~~


雖然係要洗錢...不過卡卡冇事就安心唒~~!!

好過唔同佢睇醫生但係日日見到佢訓覺又醒...見到佢R身R勢我又驚......

**************************************************************************** 一直都有捐錢去比狗狗基金會 DOG TRUST...
估唔到竟然有差唔多700隻狗狗等緊人領養~~~ (呢個係其中一個狗狗基金會咋~~~!!)

真的...其實如果有心養狗狗...領養都係一個好選擇.... (雖然我地初初搵狗狗時完全冇諗過領養..因為我地都唔知有呢樣野丫~~!!)

其實...真係唔明咩人可以做得出遺棄寵物....

冇人性的~!!!!!!!!!






2 則留言:

  1. 卡卡冇事啦嗎? 我都有養狗,所以明白嘅!

    回覆刪除
  2. 有心^_^ KAKA冇事喇..不過要食唒D抗生素..傷口冇腫又冇痕~~^_^
    真係要有養狗狗先會真係明白的...!

    回覆刪除