2013年10月9日星期三

:+:+:2013 巴塞隆拿40小時(上):+:+:


5月尾的時候...就BOOK好左陳大少生日去巴塞..其實有人唔願去的..係我逼佢架...
我地黎左英國十幾年...去過的歐洲國家其實真的少之又少..

佢話歐洲國家度度都差唔多...WELL.....我唔理佢啦...BOOK好左先同佢講...
呵~!

星期日朝早送左KAKA去酒店..我地就直接去機場了~(不過途中我發現..我唔記得拎登記証同埋我上網做左的功課....)
所以又番番屋企拎~~呵~~(我次次都係咁..出機場去到半路發現唔記得拎PASSPORT都試過~所以大少都見慣不怪了~嘻嘻~)

機落都下午4點半了....坐左火車出市中心...(3.80歐/位) 

之後就去酒店...

在 Passeig de Gràcia沿路見到Casa Batlló巴特略之家

巴特略公寓是建築師安東尼·高迪同若熱普·瑪麗亞·茹若爾合作裝修改造的一座建築。該建築建於1877年,在1904年到1906年間接受改造。位於西班牙巴塞隆納擴建區 的格拉西亞大道(Passeig de Gárcia)43號。2005年被擴充入世界遺產安東尼·高迪的建築作品中.
(FROM WIKIPEDIA)

見到好多BLOGGER介紹的TAPA TAPA TAPAS店....
 就入左去食個早餐...(都成西班牙5點幾了..但係我地仲係未食早餐的~!)
食左咩分開BLOG出丫...^_^

行大約10分鐘就到酒店了~
(我原來冇影到相仔...呢張相上圖搵的~!)

貪新鮮冇揀大酒店, 反而第一次住精品酒店~
10級滿意...因為我預早訂, 一晚大約係100英鎊 (大約1200蚊啦~)
我BOOK的係普通DELUXE房...不過喺特別要求嗰欄度我填左話最好有露台..就可以享受吓巴塞風景同太陽...哈哈哈...我真係純粹攪笑的~!!!
佢免費升級左我地住頂樓的大露台SUPERIER SUITE...
CHECK IN哥哥還單眼呢~~~呵呵呵~~~

房間不是很大..不過感覺好MODERN同型格~

露台好舒服~

空間都幾OK~~

入夜了~~~
見到出面有LASER呢...
唔開閃但係又冇SET高個ISO...張相出黎就震震咁~~^_^

抖左一陣...大約8點...就出去搵食了~!

對角線大道及格拉西亞大道
相遇點, 認住佢就一定識番酒店!

入夜後的米拉之家(CASA MILA)

 米拉之家 西文名稱是 Casa Milà,意指「米拉之家」,就是「米拉先生府第」之意,雖然又譯米拉公寓,卻是不太符合此建築的歷史和西班牙語言的翻譯。 米拉之家是西班牙加泰羅尼亞現代主義建築師安東尼·高迪的代表作之一,坐落在西班牙的巴塞隆納市區裡的Eixample擴建區、格拉西亞街上
(FROM WIKIPEDIA)

後面是...西班牙國寶ZARA~~~

加泰羅尼亞廣場
是西班牙城市巴塞隆納市中心舊城區的一個大型廣場,數條重要街道交匯於此。面積50,000平方米,以噴泉和雕塑著稱,並聚集許多鴿子。設有地鐵站 
(FROM WIKIPEDIA)

有人話可能巴塞有金色IPHONE 5S賣喎....

網上好多BLOGGER大力推LA
FONDA..一於黎試吓~!!

食飽飽又係時候手拖手零晨漫步番酒店了~

街上人不多但係一啲都唔靜.....米拉之家任我慢慢影...

有少少落毛毛雨了...更浪漫囉~!! (同我去旅行...真係要預左落雨雨架~!!!)

A係酒店, B係餐廳
就係呢條路...行半小時...當散步十分好~!



22 則留言:

  1. 好羨慕ar!我好恨去barcelona但係都仲未去到。。不過上似我auntie係住W hotel

    回覆刪除
    回覆
    1. W HOTEL喺正BARCELONETA PORT..個景一流呀!!!

      刪除
  2. 酒店對我不重要, 不過有免費upgrade 就最好啦。

    回覆刪除
    回覆
    1. 我都OK...有人要求比我高..同埋呢間酒店抵住...澳門的先貴~!!

      刪除
  3. 涼粉子:
    -陳大少生日任得你舞, 算係咁啦!! 哈哈.
    -你都幾大頭蝦, 次次去機場前都會有鋪留帶嘢!!
    -我鐘意你間精品酒店呀!!好舒服. 令成個旅程,有個完美嘅序。
    -歐洲, 真係歐洲, 周圍都有好多文化建築物.

    回覆刪除
    回覆
    1. 佢都食得開心架~!!我係用西班牙海鮮引佢...半逼半引啦~~哈哈哈~! 我勁大頭蝦的...今日番工......唔記得拎銀包~>_< 淨係拎左8達通咋~
      有時洗好米煮飯..點知到開飯時發現冇按COOK~XDDDDDDD
      我想去米國丫~!!!!佢就係見歐洲多文化建築物就覺得度度都差唔多~巴塞有GAUDI建築..真心覺得又靚又得意呢~

      刪除
  4. 間酒店好得呀! 而且又好近 la rambla, 非常方便呢!
    無獨有偶,我有另一對朋友最近又係從 London 去 Barcelona 到玩! 真橋!!

    回覆刪除
    回覆
    1. 係呀....酒店一行出街口就係名店街食野買野都超方便~!!! 勁滿意~
      LONDON去BARCELONA飛個幾鐘頭咋..近近地海鮮又好味~

      刪除
  5. 難得去第二個國家,點解淨係去40個鐘咁短呀?

    回覆刪除
    回覆
    1. 其實係3日兩夜黎架喇~XDDDD 其實都幾夠皮..我地都係行吓食吓咋~~但係如果要入場觀光就真係要預多幾日了~

      刪除
  6. 去想去西班牙, 我妹好似去過4次, 我一次都未..

    回覆刪除
    回覆
    1. 有機會就去行轉啦...都值得去的~~

      刪除
  7. 我只去過巴黎玩咋!都好想歐洲其他地方行吓,可惜阿 Sir 話要等佢真正退休先去喎!唉!又要多等 3 年!

    回覆刪除
    回覆
    1. 3年好快咋~!!!!! 仲有兩個半月就2014了~~~~我之前都係去黎去去都係巴黎...係時候要行遠了~~

      刪除
  8. 你家大少既答案好典型 ==>歐洲度度差唔多 :))

    補祝他生日快樂!

    回覆刪除
    回覆
    1. 謝謝你呀ka~~~~ 佢.......雖然某程度上講得冇錯...不過我會話冇去過就唔好criticize丫~~~

      刪除
  9. 玩得、食得開心D,最重要努力寫BLOG。我都未去過西班牙,可參考!

    回覆刪除
    回覆
    1. 謝謝你呢~~~~ 西班牙係一個去得過的地方呀~!!!!

      刪除
  10. $1200 rooftop suite 真係正到爆!! lucky you !!

    回覆刪除
    回覆
    1. 我差唔多半年前book架嘛...早book平d..同埋...佢free upgrade左我地丫...超開心~!!

      刪除
  11. 間房好靚bor~~有埋露台, 更正!

    回覆刪除
    回覆
    1. 有埋露台感覺更hea更relax...好開心~!!

      刪除