2013年10月1日星期二

:+:+:補身烏雞湯:+:+:(附食譜)


又係一個月一次(起碼一次啦)的補湯時候..
有啲時候飲補湯會更加吸收架嘛....(你地明架啦~)呵
`


之前在中超見到有急凍烏雞.....開開心心買左隻黎煲湯...
買番黎時係呢個樣的~~

我放左入大LOCK LOCK盒再放雪櫃解凍左2日
平時見慣英國超市賣的雞係冇頭的又冇腳的...點知呢...好驚驚~~
呢個有頭又有腳...叫左大少幫我斬左雞頭同雞腳之後...
就成隻雞加凍水拎左去汆水...

點知呢...之後發現隻雞有啲怪...個肚好實淨丫...
PAT PAT又冇窿
原來........隻雞係.....未劏的~!!!
我暈了~

砍走個PAT PAT之後就拎番入面啲野出黎再汆水......再洗乾淨....
呼.....唔知點解...好驚驚~~~!!

黨參, 北芪, 淮山, 杞子, 紅棗(去核),  茨實 各大約40克
元肉 - 20克
紅蘿蔔
薑片
汆水後洗淨瀝乾的烏雞~

加入凍水後大火煮滾, 滾起後轉小火煲一個半小時~

熄火後加鹽調味~~

湯好好味呀~!!
有位先生, 佢本身聞到時話可能會唔鍾意飲...因為又深色又好似好重藥材味...
不過飲時咪又係話好好味~!!
呵~~~

煲雞湯我一向都去皮去肥膏啦..不過烏雞好似話唔好去皮呀~!!!

雖然烏雞色咁...有啲啲恐怖..(其實應該唔關雞事....係我見得少...)
不過煲起上黎真係好甜又好飲....下次見到有烏雞又買先~!!

14 則留言:

  1. Hello, 我第一次留言, 我嚟打個招呼㗎 ^^
    我好鬼怕雞頭, 特別有時對眼會半開合咁。。。。

    回覆刪除
    回覆
    1. 你好呀~!!^_^ 歡迎你黎同埋謝謝你留言~
      嘩...你仲要形容對雞眼半開合....O MY GOD...諗起都驚驚~

      刪除
  2. 買冰鮮雞都係頭頸腳未斬...我都怕怕>.<

    回覆刪除
    回覆
    1. 我以前冇事架~~宜家見得少...好驚驚~~~仲要隻雞係黑色的~~!!

      刪除
  3. 初頭我都怕, 但係整多兩次就唔怕囉~~~

    回覆刪除
    回覆
    1. 我真係好多好多年都冇見過咁樣的雞丫~~

      刪除
  4. 吓??隻烏雞竟然係.....未劏,真係少見喎!都係好驚嚇喎!

    回覆刪除
    回覆
    1. 我唔會再買的了...除非有人話左會清理左先...!!堅驚呀~!!

      刪除
  5. 哈哈, 煮食的人怕劏雞? 又唔生生猛猛果D

    回覆刪除
    回覆
    1. 劏魚我OK..因為買前都知佢未劏.但係雞.....真係冇心理準備下...好驚呀~!!!

      刪除
  6. 嘩! 又確係幾恐怖! 好明顯平時食嘅係洋鬼子雞,烏雞無鬼佬 market, 所以無劏,LOL!
    呢邊係將烏雞頭同腳塞返入裡面,要用9牛2虎之力至攞得返出嚟,但就好在係劏好咗!

    回覆刪除
    回覆
    1. 好驚架~!!!!估都估唔到佢會未劏~!!!!!!!

      刪除
  7. D人教煲雞湯加嚿豬肉會甜D架 ^o<

    回覆刪除
    回覆
    1. 嘻嘻...媽咪都係咁話..佢問我左咩唔落舊豬肉~~~!!我下次會記得落架喇~!!! ^_^

      刪除