2013年10月19日星期六

:+:+:韓式牛肉炒粉絲 CHAPCHAE:+:+:(附食譜)


上次咪同大少去左ARANG食韓國野嘅....
我話左會試吓整韓式牛肉炒粉絲架嘛...

嘻...我通常都係話左會整就會整..(不過睇吓係幾時咋嘛~!! 又或者係...我唔記得左~!)


同一晚喺大減價度買左包韓國粉絲...(平價左2鎊((25蚊))真係好抵呀~!!!)

用左大約半包~

先用清水浸軟..(我大約浸左1小時啦~)

軟左~

牛柳邊 - 大約200克 (切絲後加入糖, 生抽, 蒜粉, 味醂, 麻油, 生粉拌勻)
醃大約15分鐘~

燒熱鍋後加油, 加入牛肉~

炒至全熟後盛起~

蘑菇 - 6粒 (切片)
蔥段
青瓜 - 1/3條 (去籽後切幼條)
甘荀 - 1條 (去皮後切幼條)
洋蔥 - 1個 (切幼條)
雲耳 - 3朵 (清水浸軟後搣細)

先燒熱鍋加少少油將蔬菜加少少鹽炒軟~

最後加入雲耳, 炒熱後盛起備用~

大火煲滾熱水後加入大約1湯匙白醋
煮滾後加入粉絲, 煮至軟身, (大約30秒就OK了~)

隔水 (唔好過冷河呀~!!!!!!!!!!!!!!) 

用廚剪剪短粉絲丫`!!(差啲唔記得講呢樣~~)

用之前炒過牛肉同菜菜的鍋加入粉絲

加入日本醬油 (因為我屋企冇韓式醬油丫~!!), 多多麻油, 少少老抽 (為左顏色靚啲啦~)
拌勻~

加入之前炒好的牛肉同菜菜, 加入炒香的芝麻~

拌勻就OK了~!!

叮叮叮....有得食喇~!!

又幾好味啵~~~大少話煮得同上次喺ARANG食的味道好似丫~!!


*****************************************************
第一次煮韓菜...我睇過呢個LINK丫~~
 簡單又易明, 再就番自己口味加加減減...

PERFECT~!



12 則留言:

  1. 呢個韓式粉絲好啱我食呀!

    回覆刪除
  2. 妳真係好錫大少,佢想食嘅妳就去煮!
    不過,佢一句"煮得同上次喺ARANG食的味道好似丫"已經甜在心,咩都值得! ^^

    回覆刪除
    回覆
    1. 嘻嘻...佢有時係幾抵錫的~~!!(佢唔睇我BLOG我先會咁講...唔讚得的~!!!呵呵~~)

      刪除
  3. 回覆
    1. 哈哈哈...係呀~~~~終於吹到黎倫敦了~~~

      刪除
  4. 真是環球美食都識煮,勁!

    回覆刪除
    回覆
    1. 謝謝你..不過唔係真係咁勁啦...只不過係食過的又覺得好味的都可以試吓煮咋~!!

      刪除
  5. 唔知點解, 我唔係好鍾意食呢個粉絲, 通常都好長, kick住個喉嚨
    又會炒到好油

    回覆刪除
    回覆
    1. 唔係你提一提我我都唔記得左烚完個粉絲之後我剪一剪過佢地呢~~~如果想冇咁油唔好炒...撈勻就OK啦~~~不過出面食都係比較多油架嘛~

      刪除
  6. 韓式粉絲, 我都好鍾意, 不過 我宜家唔食牛肉, 我諗如果我煮, 齋版, 加椰菜泡菜及辣椒粉...不過一定無你煮的好味...

    回覆刪除
    回覆
    1. 最緊要係就番自己口味嘛....就算加雞肉都會好味架~!!!

      刪除